Jabur 90
90:1 Du'ana Mosa, abdina Allah. Guste PANGERAN, Junandalem ka'dhinto pangaoban abdidalem ron-temoron.
90:2 Sabellunnepon nong-gunong ecepta'agi, sabellunnepon bume sareng dunnya ebadhi, Junandalem Allah se langgeng, tadha' dha'-adha'na tadha' dhi-budhina.
90:3 Junandalem makon manossa abali ka asalla, abali daddi abu akadi dha'-adha'na.
90:4 Monggu ka Junandalem saebu taon akadi saare, akadi ba'ari', ampon lebat; akadi bakto saejjam e baja malem.
90:5 Sareng Junandalem abdidalem eanyo'; odhi' abdidalem namong akadi mempe, akadi rebba se nyelbi';
90:6 e baja laggu tombu sareng mekkar, namong laju elop e baja asar.
90:7 Abdidalem sadaja takerjat lantaran Junandalem duka, laju padha mate lantaran Junandalem bendu parana.
90:8 Junandalem nyaba' kasala'an abdidalem sadaja e ajunannepon Junandalem, dusa abdidalem se ta' etengale oreng eoladi sareng Junandalem.
90:9 Odhi' abdidalem sadaja pandha' lantaran Junandalem duka, on-taon abdidalem sadaja ampon napa' ka aherra akadi nyaba sasergu'an.
90:10 Omor abdidalem sadaja namong pettong polo taon, manabi kowat, kantos ballung polo taon. Namong se ekaolle abdidalem sadaja namong kasossa'an sareng kasangsara'an; saamponnepon odhi' se sakejja' abdidalem sadaja padha mosna.
90:11 Pasera se oneng ka dadukannepon Junandalem se nako'e, otabana kadi ponapa daddina manabi Junandalem duka?
90:12 Paemottagi abdidalem sadaja ja' odhi' e dunnya ka'dhinto talebat pandha', sopaja abdidalem sadaja daddi oreng se sae buddina.
90:13 Kantos bilaepon Junandalem se duka'a terros, GUSTE? Ngereng abali, kaneserre para abdiepon Junandalem.
90:14 Parenge abdidalem sadaja kataresna'annepon Junandalem e baja laggu sabban arena, sopaja abdidalem sadaja padha perak sareng anyanye saomorra.
90:15 Parenge abdidalem sadaja kasennengngan se sabandhing sareng kasossa'an se etanggung abdidalem ataonan e bakto nyangsara.
90:16 Duduwagi ka abdidalem sadaja, para abdiepon Junandalem ka'dhinto sadaja se elampa'agi Junandalem; duduwagi kobasaepon Junandalem se agung ka na' poto abdidalem sadaja.
90:17 Guste ALLAH, Pangeran kaula, berkadi abdidalem sadaja, sopaja ahasel e dhalem sadaja lalakon.
90:2 Sabellunnepon nong-gunong ecepta'agi, sabellunnepon bume sareng dunnya ebadhi, Junandalem Allah se langgeng, tadha' dha'-adha'na tadha' dhi-budhina.
90:3 Junandalem makon manossa abali ka asalla, abali daddi abu akadi dha'-adha'na.
90:4 Monggu ka Junandalem saebu taon akadi saare, akadi ba'ari', ampon lebat; akadi bakto saejjam e baja malem.
90:5 Sareng Junandalem abdidalem eanyo'; odhi' abdidalem namong akadi mempe, akadi rebba se nyelbi';
90:6 e baja laggu tombu sareng mekkar, namong laju elop e baja asar.
90:7 Abdidalem sadaja takerjat lantaran Junandalem duka, laju padha mate lantaran Junandalem bendu parana.
90:8 Junandalem nyaba' kasala'an abdidalem sadaja e ajunannepon Junandalem, dusa abdidalem se ta' etengale oreng eoladi sareng Junandalem.
90:9 Odhi' abdidalem sadaja pandha' lantaran Junandalem duka, on-taon abdidalem sadaja ampon napa' ka aherra akadi nyaba sasergu'an.
90:10 Omor abdidalem sadaja namong pettong polo taon, manabi kowat, kantos ballung polo taon. Namong se ekaolle abdidalem sadaja namong kasossa'an sareng kasangsara'an; saamponnepon odhi' se sakejja' abdidalem sadaja padha mosna.
90:11 Pasera se oneng ka dadukannepon Junandalem se nako'e, otabana kadi ponapa daddina manabi Junandalem duka?
90:12 Paemottagi abdidalem sadaja ja' odhi' e dunnya ka'dhinto talebat pandha', sopaja abdidalem sadaja daddi oreng se sae buddina.
90:13 Kantos bilaepon Junandalem se duka'a terros, GUSTE? Ngereng abali, kaneserre para abdiepon Junandalem.
90:14 Parenge abdidalem sadaja kataresna'annepon Junandalem e baja laggu sabban arena, sopaja abdidalem sadaja padha perak sareng anyanye saomorra.
90:15 Parenge abdidalem sadaja kasennengngan se sabandhing sareng kasossa'an se etanggung abdidalem ataonan e bakto nyangsara.
90:16 Duduwagi ka abdidalem sadaja, para abdiepon Junandalem ka'dhinto sadaja se elampa'agi Junandalem; duduwagi kobasaepon Junandalem se agung ka na' poto abdidalem sadaja.
90:17 Guste ALLAH, Pangeran kaula, berkadi abdidalem sadaja, sopaja ahasel e dhalem sadaja lalakon.
Comments
Post a Comment