Jabur 56
56:1 Kaangguy pamimpinna koor. Menorot nyanyeyan: Dara se ta' endha' amonye, dhari dhaera se jau. Jaburra Daud e bakto epega' oreng Filistin e Gat.
56:2 Ya Allah, kaneserre abdidalem, Guste, sabab abdidalem eserrang, ekaneyaja moso ros-terrosan.
56:3 Saare benteng abdidalem enyek-enyek moso; bannya' se ngamoso abdidalem, Guste.
56:4 E bakto abdidalem tako', Junandalem se earep abdidalem, Guste PANGERAN Se Mahakobasa.
56:5 Sengko' ngagungngagi Allah polana se ejanjiyagi Salerana; sengko' parcaja ka Salerana, daddi sengko' ta' tako', manossa ta' kera bangal apa-rapa ka sengko'.
56:6 Saare benteng moso marepot sareng masossa abdidalem, padha aehteyar terros macalaka'a abdidalem
56:7 Moso abdidalem padha akompol ngetek areng-sareng, nyendhemme sadaja se elakone abdidalem, nyare kasempadan mateyana abdidalem.
56:8 Ba' salamedda reng-oreng gapaneka dhari kajahadanna? Ya Allah, patompessagi reng-oreng gapaneka e bakto Junandalem duka!
56:9 Junandalem se ngetong kasangsara'an abdidalem, Junandalem ngagali bannya'epon aeng mata abdidalem. Ponapa sadajana ta' ebadhi paretongan sareng Junandalem?
56:10 E are bakto sengko' aserro ka Allah, moso bakal epokola sampe' padha nyorot, sabab sengko' tao Allah nolonge sengko'.
56:11 Sengko' ngagungngagi Guste ALLAH polana apa se ejanjiyagi Salerana.
56:12 Sengko' parcaja ka Salerana, daddi sengko' ta' tako' pa-apa, manossa biyasa ta' ngenneng apa-rapa ka sengko' reya.
56:13 Ya Allah, abdidalem neptebbana janji ka Junandalem, sareng ngatorragiya kurban sokkor ka Junandalem.
56:14 Sabab Junandalem malopot abdidalem dhari maot, Junandalem ajaga abdidalem sopaja ta' labu. Daddi abdidalem kengeng odhi' e dhalem pangaobanna Allah, e dhalem sonar se nerrange sadajana se odhi'.
56:2 Ya Allah, kaneserre abdidalem, Guste, sabab abdidalem eserrang, ekaneyaja moso ros-terrosan.
56:3 Saare benteng abdidalem enyek-enyek moso; bannya' se ngamoso abdidalem, Guste.
56:4 E bakto abdidalem tako', Junandalem se earep abdidalem, Guste PANGERAN Se Mahakobasa.
56:5 Sengko' ngagungngagi Allah polana se ejanjiyagi Salerana; sengko' parcaja ka Salerana, daddi sengko' ta' tako', manossa ta' kera bangal apa-rapa ka sengko'.
56:6 Saare benteng moso marepot sareng masossa abdidalem, padha aehteyar terros macalaka'a abdidalem
56:7 Moso abdidalem padha akompol ngetek areng-sareng, nyendhemme sadaja se elakone abdidalem, nyare kasempadan mateyana abdidalem.
56:8 Ba' salamedda reng-oreng gapaneka dhari kajahadanna? Ya Allah, patompessagi reng-oreng gapaneka e bakto Junandalem duka!
56:9 Junandalem se ngetong kasangsara'an abdidalem, Junandalem ngagali bannya'epon aeng mata abdidalem. Ponapa sadajana ta' ebadhi paretongan sareng Junandalem?
56:10 E are bakto sengko' aserro ka Allah, moso bakal epokola sampe' padha nyorot, sabab sengko' tao Allah nolonge sengko'.
56:11 Sengko' ngagungngagi Guste ALLAH polana apa se ejanjiyagi Salerana.
56:12 Sengko' parcaja ka Salerana, daddi sengko' ta' tako' pa-apa, manossa biyasa ta' ngenneng apa-rapa ka sengko' reya.
56:13 Ya Allah, abdidalem neptebbana janji ka Junandalem, sareng ngatorragiya kurban sokkor ka Junandalem.
56:14 Sabab Junandalem malopot abdidalem dhari maot, Junandalem ajaga abdidalem sopaja ta' labu. Daddi abdidalem kengeng odhi' e dhalem pangaobanna Allah, e dhalem sonar se nerrange sadajana se odhi'.
Comments
Post a Comment