Jabur 50
50:1 Jaburra Asaf. PANGERAN, Allah Se Mahakobasa, abu-dhabu, aera' ka saantero bume, dhari temor sampe' ka bara'.
50:2 Dhari Siyon, kottha se paleng bagus, Allah ngaton mancorong sonarra.
50:3 Tang Allah rabu ban ta' mendel, parabuna ejangadha'i apoy se lap-ngolap, ekalenglenge kaleng busbus se nako'e.
50:4 Salerana nembali langnge' ban bume epakon nyaksene Salerana ngadili ommadda.
50:5 Dhabuna, "Pakompol kabbi Tang ommat se la mabadha parjanjiyan ban Sengko', ban makoko parjanjiyan jareya bi' kurban sambelliyan."
50:6 Langnge' aberta'agi ja' Allah ngadili ommadda, ja' Allah dibi' jareya hakimma.
50:7 "He Tang ommat kabbi mara padha edhingngagi Sengko' acaca'a, Isra'il, Sengko' nyakseyana kasala'anna ba'na; Sengko' reya Allah, Allahna ba'na.
50:8 Sengko' ngarane ba'na banne polana kurbanna ba'na; kurban obbaranna se terros badha e adha'an Sengko'.
50:9 Sengko' ta' parlo ka sape dhari kandhangnga ba'na, otabana embi' dhari ebinna ba'na;
50:10 sabab sakabbinna keban se badha e alas Tang andhi' kabbi, bariya keya ebin e pan-barampan ebu pagunongan.
50:11 Mano' e pagunongan Tang andhi' kabbi reya, bariya keya lok-mahlok se odhi' e ra-ara.
50:12 Mon Sengko' lapar ta' parlo abala ka ba'na, sabab bume saesena Tang andhi' kabbi.
50:13 Sengko' ta' ngakan dagingnga sape lake', bariya keya ta' ngenom dharana embi' lake'.
50:14 Atorragi kurban sokkor ka Allah, teptebbi janjina ba'na ka Se Mahakobasa.
50:15 Aserro ka Sengko' e bakto karekongan, bi' Sengko' ba'na epabebasa, ban ba'na ngagungngagiya Sengko'."
50:16 Tape ka oreng jahat Pangeran adhabu, "Ba'na ta' olle nyebbuttagi Tang hokom, ta' olle acaca parkara Tang parjanjiyan.
50:17 Sabab ba'na ta' endha' narema mon bi' Sengko' epaenga', ban nolak sakabbinna Tang parenta.
50:18 Mon ba'na nangale'e maleng bi' ba'na etoro', ban ba'na apolong bi' reng-oreng se azina.
50:19 Ba'na ros-terrosan acaca barang se jahat, ros-terrosan asadhiya se nepowa.
50:20 Ba'na ros-terrosan metenna taretanna ban ca'-ngoca'e tadha' karena.
50:21 Jareya lalakonna ba'na, tape Sengko' neng-enneng bai, daddi bi' ba'na Sengko' reya ekera tadha' bidana ban ba'na. Tape sateya Sengko' nyale ba'na kabbi ebukka' epace'terrangnga.
50:22 Edhingangagi, ba'na kabbi se loppa ka Allah; jaga ja' sampe' ba'na epatompes bi' Sengko', ban tadha' se masalamet ba'na.
50:23 Oreng se ngatorragi sokkor menangka kurbanna, jareya se ahormadi Sengko'; ban ka oreng se atoro' ka Tang parenta bi' Sengko' epasalamedda."
50:2 Dhari Siyon, kottha se paleng bagus, Allah ngaton mancorong sonarra.
50:3 Tang Allah rabu ban ta' mendel, parabuna ejangadha'i apoy se lap-ngolap, ekalenglenge kaleng busbus se nako'e.
50:4 Salerana nembali langnge' ban bume epakon nyaksene Salerana ngadili ommadda.
50:5 Dhabuna, "Pakompol kabbi Tang ommat se la mabadha parjanjiyan ban Sengko', ban makoko parjanjiyan jareya bi' kurban sambelliyan."
50:6 Langnge' aberta'agi ja' Allah ngadili ommadda, ja' Allah dibi' jareya hakimma.
50:7 "He Tang ommat kabbi mara padha edhingngagi Sengko' acaca'a, Isra'il, Sengko' nyakseyana kasala'anna ba'na; Sengko' reya Allah, Allahna ba'na.
50:8 Sengko' ngarane ba'na banne polana kurbanna ba'na; kurban obbaranna se terros badha e adha'an Sengko'.
50:9 Sengko' ta' parlo ka sape dhari kandhangnga ba'na, otabana embi' dhari ebinna ba'na;
50:10 sabab sakabbinna keban se badha e alas Tang andhi' kabbi, bariya keya ebin e pan-barampan ebu pagunongan.
50:11 Mano' e pagunongan Tang andhi' kabbi reya, bariya keya lok-mahlok se odhi' e ra-ara.
50:12 Mon Sengko' lapar ta' parlo abala ka ba'na, sabab bume saesena Tang andhi' kabbi.
50:13 Sengko' ta' ngakan dagingnga sape lake', bariya keya ta' ngenom dharana embi' lake'.
50:14 Atorragi kurban sokkor ka Allah, teptebbi janjina ba'na ka Se Mahakobasa.
50:15 Aserro ka Sengko' e bakto karekongan, bi' Sengko' ba'na epabebasa, ban ba'na ngagungngagiya Sengko'."
50:16 Tape ka oreng jahat Pangeran adhabu, "Ba'na ta' olle nyebbuttagi Tang hokom, ta' olle acaca parkara Tang parjanjiyan.
50:17 Sabab ba'na ta' endha' narema mon bi' Sengko' epaenga', ban nolak sakabbinna Tang parenta.
50:18 Mon ba'na nangale'e maleng bi' ba'na etoro', ban ba'na apolong bi' reng-oreng se azina.
50:19 Ba'na ros-terrosan acaca barang se jahat, ros-terrosan asadhiya se nepowa.
50:20 Ba'na ros-terrosan metenna taretanna ban ca'-ngoca'e tadha' karena.
50:21 Jareya lalakonna ba'na, tape Sengko' neng-enneng bai, daddi bi' ba'na Sengko' reya ekera tadha' bidana ban ba'na. Tape sateya Sengko' nyale ba'na kabbi ebukka' epace'terrangnga.
50:22 Edhingangagi, ba'na kabbi se loppa ka Allah; jaga ja' sampe' ba'na epatompes bi' Sengko', ban tadha' se masalamet ba'na.
50:23 Oreng se ngatorragi sokkor menangka kurbanna, jareya se ahormadi Sengko'; ban ka oreng se atoro' ka Tang parenta bi' Sengko' epasalamedda."
Comments
Post a Comment