Jabur 34
34:1 Jaburra Daud e bakto salerana tha-kantha ras-mata'baras e ajunanna Abimelekh, sampe' salerana eojuk, pas nyengla dhari jadhiya.
34:2 Sengko' asokkora ros-terrosan ka PANGERAN, ta' ambuwa ngagungngagi Salerana.
34:3 Sengko' amolja'agiya PANGERAN polana sabarang se la elampa'agi Salerana; moga oreng se etendhes ngedhinga ban gumbira atena.
34:4 Mara abareng ban sengko' ngagungngagi PANGERAN, mara areng-bareng amolja'agi asmana.
34:5 Sengko' adu'a ka PANGERAN, Salerana nyaodi, katako'anna tang ate epaelang kabbi.
34:6 Oreng se etendhes ngarep ka Salerana ban perak atena, tadha' barang se parlo ekatodhus.
34:7 Oreng se palang aserro, PANGERAN nyaodi, karekonganna epatadha' kabbi.
34:8 Malaekadda PANGERAN ajaga oreng alem, malopot reng-oreng jareya dhari babaja.
34:9 Rassa'agi dibi' saapa saena PANGERAN; bajjra onggu oreng se ngaop ka Salerana.
34:10 Para ommadda PANGERAN, hormadi Salerana, sabab oreng alem ta' kera kakorangan pa-apa.
34:11 Can-macan lapar keya polana kakorangan kakan, tape oreng se nyemba ka PANGERAN ta' kakorangan pa-apa.
34:12 Na'-kana' kabbi, mara edhingngagi, bi' sengko' ba'na eajarana ngormadi PANGERAN.
34:13 Apa ba'na terro lanjanga omorra ban nyamana odhi'na?
34:14 Ja' acaca'an barang se juba', ban ja' dujan nepo otaba lecegan.
34:15 Jauwi kajahadan, lakone kabecce'an, ehteyarragi salar-kellarra madhateng kataremtemman.
34:16 PANGERAN ajaga oreng se alem, meyarsa'agi mon reng-oreng jareya aserro nyo'on tolong.
34:17 Tape reng-oreng jahat ekamoso; mon reng-oreng jareya mate, sakejja' bai la ta' ekaemodi pole.
34:18 Mon oreng alem aserro, PANGERAN meyarsa'agi, reng-oreng jareya padha epalopot dhari karekongan.
34:19 PANGERAN semma' ka oreng se kene' ate; oreng se kaelangan samangat epasalamet.
34:20 Oreng becce' bannya' kasossa'anna, tape bi' PANGERAN epabebas dhari sakabbinna.
34:21 Badanna teptep ejaga bi' PANGERAN, tolangnga ta' epapotong settonga.
34:22 Oreng jahat bakal mateya polana kajahadanna, se baji' ka oreng alem bakal eokoma.
34:23 PANGERAN masalamet para abdina; se ngaop ka Salerana ta' kera eparenge okoman.
34:2 Sengko' asokkora ros-terrosan ka PANGERAN, ta' ambuwa ngagungngagi Salerana.
34:3 Sengko' amolja'agiya PANGERAN polana sabarang se la elampa'agi Salerana; moga oreng se etendhes ngedhinga ban gumbira atena.
34:4 Mara abareng ban sengko' ngagungngagi PANGERAN, mara areng-bareng amolja'agi asmana.
34:5 Sengko' adu'a ka PANGERAN, Salerana nyaodi, katako'anna tang ate epaelang kabbi.
34:6 Oreng se etendhes ngarep ka Salerana ban perak atena, tadha' barang se parlo ekatodhus.
34:7 Oreng se palang aserro, PANGERAN nyaodi, karekonganna epatadha' kabbi.
34:8 Malaekadda PANGERAN ajaga oreng alem, malopot reng-oreng jareya dhari babaja.
34:9 Rassa'agi dibi' saapa saena PANGERAN; bajjra onggu oreng se ngaop ka Salerana.
34:10 Para ommadda PANGERAN, hormadi Salerana, sabab oreng alem ta' kera kakorangan pa-apa.
34:11 Can-macan lapar keya polana kakorangan kakan, tape oreng se nyemba ka PANGERAN ta' kakorangan pa-apa.
34:12 Na'-kana' kabbi, mara edhingngagi, bi' sengko' ba'na eajarana ngormadi PANGERAN.
34:13 Apa ba'na terro lanjanga omorra ban nyamana odhi'na?
34:14 Ja' acaca'an barang se juba', ban ja' dujan nepo otaba lecegan.
34:15 Jauwi kajahadan, lakone kabecce'an, ehteyarragi salar-kellarra madhateng kataremtemman.
34:16 PANGERAN ajaga oreng se alem, meyarsa'agi mon reng-oreng jareya aserro nyo'on tolong.
34:17 Tape reng-oreng jahat ekamoso; mon reng-oreng jareya mate, sakejja' bai la ta' ekaemodi pole.
34:18 Mon oreng alem aserro, PANGERAN meyarsa'agi, reng-oreng jareya padha epalopot dhari karekongan.
34:19 PANGERAN semma' ka oreng se kene' ate; oreng se kaelangan samangat epasalamet.
34:20 Oreng becce' bannya' kasossa'anna, tape bi' PANGERAN epabebas dhari sakabbinna.
34:21 Badanna teptep ejaga bi' PANGERAN, tolangnga ta' epapotong settonga.
34:22 Oreng jahat bakal mateya polana kajahadanna, se baji' ka oreng alem bakal eokoma.
34:23 PANGERAN masalamet para abdina; se ngaop ka Salerana ta' kera eparenge okoman.
Comments
Post a Comment