Jabur 33
33:1 He reng-oreng alem, mara asorak pagumbira lantaran sabarang se elampa'agi PANGERAN; reng-oreng se padha berse atena, mara molja'agi Salerana.
33:2 Mara asokkor ka PANGERAN ngangguy calempong, mara anyanye amolja'agi Salerana sambi erenge monyena mosik.
33:3 Nyanyeyagi nyanyeyan se anyar ka PANGERAN, tabbu pabagus calempongnga ban asorak pasenneng atena!
33:4 Dhabuna PANGERAN ekenneng parcaja kabbi, Salerana esto e dhalem sabarang se elampa'agi.
33:5 PANGERAN lebur ka kaadilan ban kajujuran; bume possa' ban kataresna'anna.
33:6 PANGERAN apareng parenta, langnge' laju etemmo badha; are, bulan ban bintang epadaddi coma dhari dhabuna.
33:7 Aeng tase' epakompol kabbi e settong kennengngan, tase' raja etebbeng e dhalem eddham.
33:8 Mara reng-oreng bume, patako' ba'na ka PANGERAN, reng-oreng e dunnya, mara hormadi Salerana.
33:9 Sabab Pangeran adhabu, kabbi laju etemmo daddi; Pangeran apareng parenta, kabbi laju etemmo badha.
33:10 PANGERAN mabuddhu sajjana sa-bangsa, neyadda epata'daddi kabbi.
33:11 Tape rancanana PANGERAN tadha' obana, rancanganna koko salanjangnga jaman.
33:12 Bajjra onggu bangsa se ngako Allah ka PANGERAN, bajjra onggu ommat se epele epadaddi kaagunganna!
33:13 Dhari sowarga PANGERAN ngoladi ka baba, pas ngoladi sakabbinna manossa, ommadda.
33:14 Dhari korse karaja'anna PANGERAN ngoladi ka manossa se ngennengnge bume.
33:15 Pangeran se mabangon atena reng-oreng jareya, ban ngagali sakabbinna tengka polana.
33:16 Rato mennang banne polana bannya'na tantarana, tantara salamet banne dhari kakowadanna.
33:17 Jaran ta' ekenneng andellagi sopaja mennang, kakowadanna se raja ta' bisa madhateng kasalameddan.
33:18 PANGERAN ajaga reng-oreng se ta'at ka dhabuna, reng-oreng se ngarep kataresna'anna.
33:19 Pangeran masalamet reng-oreng jareya dhari pate, epaodhi' e bakto jaman kalaparan.
33:20 Daddi sengko' ban ba'na padha ngarep ka PANGERAN, se nolong ban se abilla sengko' ban ba'na.
33:21 Sengko' ban ba'na perak polana Salerana ban parcaja ka asmana se socce.
33:22 Moga abdidalem pagguna etaresnae Junandalem, GUSTE, sabab abdidalem sadaja padha ngarep ka Junandalem.
33:2 Mara asokkor ka PANGERAN ngangguy calempong, mara anyanye amolja'agi Salerana sambi erenge monyena mosik.
33:3 Nyanyeyagi nyanyeyan se anyar ka PANGERAN, tabbu pabagus calempongnga ban asorak pasenneng atena!
33:4 Dhabuna PANGERAN ekenneng parcaja kabbi, Salerana esto e dhalem sabarang se elampa'agi.
33:5 PANGERAN lebur ka kaadilan ban kajujuran; bume possa' ban kataresna'anna.
33:6 PANGERAN apareng parenta, langnge' laju etemmo badha; are, bulan ban bintang epadaddi coma dhari dhabuna.
33:7 Aeng tase' epakompol kabbi e settong kennengngan, tase' raja etebbeng e dhalem eddham.
33:8 Mara reng-oreng bume, patako' ba'na ka PANGERAN, reng-oreng e dunnya, mara hormadi Salerana.
33:9 Sabab Pangeran adhabu, kabbi laju etemmo daddi; Pangeran apareng parenta, kabbi laju etemmo badha.
33:10 PANGERAN mabuddhu sajjana sa-bangsa, neyadda epata'daddi kabbi.
33:11 Tape rancanana PANGERAN tadha' obana, rancanganna koko salanjangnga jaman.
33:12 Bajjra onggu bangsa se ngako Allah ka PANGERAN, bajjra onggu ommat se epele epadaddi kaagunganna!
33:13 Dhari sowarga PANGERAN ngoladi ka baba, pas ngoladi sakabbinna manossa, ommadda.
33:14 Dhari korse karaja'anna PANGERAN ngoladi ka manossa se ngennengnge bume.
33:15 Pangeran se mabangon atena reng-oreng jareya, ban ngagali sakabbinna tengka polana.
33:16 Rato mennang banne polana bannya'na tantarana, tantara salamet banne dhari kakowadanna.
33:17 Jaran ta' ekenneng andellagi sopaja mennang, kakowadanna se raja ta' bisa madhateng kasalameddan.
33:18 PANGERAN ajaga reng-oreng se ta'at ka dhabuna, reng-oreng se ngarep kataresna'anna.
33:19 Pangeran masalamet reng-oreng jareya dhari pate, epaodhi' e bakto jaman kalaparan.
33:20 Daddi sengko' ban ba'na padha ngarep ka PANGERAN, se nolong ban se abilla sengko' ban ba'na.
33:21 Sengko' ban ba'na perak polana Salerana ban parcaja ka asmana se socce.
33:22 Moga abdidalem pagguna etaresnae Junandalem, GUSTE, sabab abdidalem sadaja padha ngarep ka Junandalem.
Comments
Post a Comment