Jabur 3

3:1 Jaburra Daud, e bakto buru dhari Absalom, pottrana.
3:2 Adhu GUSTE, moso abdidalem talebat bannya'na, se nyerrang abdidalem ta' sakera-kera!
3:3 Bannya' oreng se padha ngoca' abdidalem ta' kera etolong sareng Allah.
3:4 Namong Junandalem, GUSTE, akadi tameng se malopot abdidalem dhari babaja. Abdidalem eparenge kamennangan, sareng eparaja ate.
3:5 Sengko' aserro ka PANGERAN, dhari gumo'na se socce *gumo'na se socce: Baca 2:6.* Salerana nyaodi sengko'.
3:6 Sengko' marobbu, pas tedhung ngeddha, laju jaga pole, sabab PANGERAN ajaga tang aba'.
3:7 Sengko' ta' tako' ka moso se aebuwan, se ngeppong sengko' dhari man-dhimman.
3:8 Nyo'ona salamet abdidalem, Guste ALLAH, Pangeran kaula, okommagi sareng palempowagi moso abdidalem sadaja.
3:9 Dhari Junandalem dhatengnga partolongan kasokana aberkadi ommattepon Junandalem sadajana.