Jabur 26

26:1 Jaburra Daud. Parenge abdidalem kaadilan, GUSTE, sabab ate abdidalem berse. Junandalem se earep abdidalem, ate abdidalem ta' mangmang sakale.
26:2 Ngereng talektegi sareng oji abdidalem, GUSTE, pareksa pangaterro sareng pekkeran abdidalem.
26:3 Abdidalem emot terros ka kataresna'annepon Junandalem, sareng teptep esto ka Junandalem.
26:4 Abdidalem ta' poron akompol sareng tokang tepo, otabana akanca sareng oreng se monafik.
26:5 Abdidalem baji' ka kompolannepon oreng se jahat, abdidalem ajauwi oreng se tengkana juba'.
26:6 Abdidalem maccowe tanang partandha ta' sala, pas ajalan ngalenglenge mezbaepon Junandalem, GUSTE,
26:7 sambi anyanye lagu sokkor, sareng aberta'agi sadaja se elampa'agi Junandalem se makasambu' ate.
26:8 Abdidalem taresna ka dalemmepon Junandalem, GUSTE, se ekalenggi'i Junandalem kalaban agung.
26:9 Abdidalem ja' pate'e asareng oreng se dusa, nyaba abdidalem ja' cabut epasareng tokang jagalla manossa.
26:10 Reng-oreng gapaneka alako jahat ros-terrosan, ros-terrosan asadhiya narema pesse go'-sogo'.
26:11 Namong abdidalem jujur sareng berse e dhalem ate, kaneserre abdidalem, sareng bebassagi, Guste.
26:12 Daddi sengko' aman dhari babaja, sengko' mojiya PANGERAN e dhalem kompolanna ommadda.