Jabur 25
25:1 Jaburra Daud. Ka Junandalem, GUSTE, abdidalem ngatorragi du'a,
25:2 Ya Allah, abdidalem parcaja ka Junandalem! Ja' kantos abdidalem epamalo, sareng esorak moso.
25:3 Oreng se akiyanat ka Junandalem tanto epabirang, namong se parcaja ka Junandalem ta' kera epakoceba.
25:4 Duduwagi ka abdidalem, GUSTE, ponapa se daddi kasokannepon Junandalem, parenge oneng ponapa se kodu elakone abdidalem.
25:5 Ngereng ajari sareng tonton abdidalem, sopaja odhi' menorot kasokannepon Junandalem, sabab Junandalem Allah se masalamet abdidalem, abdidalem salanjangnga ngarep ka Junandalem.
25:6 Kaemodi kabecce'an sareng kataresna'annepon Junandalem, GUSTE, se eduduwagi Junandalem ngabidi gi' dhimen.
25:7 Parenge sapora dusa sareng kasala'an abdidalem gi' ngodhana, kaemodi abdidalem menorot kataresna'an sareng kasaeyannepon Junandalem.
25:8 Sabab PANGERAN reya sae ban adil, noduwagi jalan ka oreng se posang.
25:9 PANGERAN nonton oreng se andhap asor, ngajarragi apa se daddi kasokanna ka reng-oreng jareya.
25:10 Oreng se ta'at ka parjanjiyan ban hokomma ekataresnae ban ekaestowe.
25:11 GUSTE, parenge sapora abdidalem, menorot janjiepon Junandalem, sabab ce' rajana kasala'an abdidalem.
25:12 PANGERAN ngajarragi ka oreng se ta'at jalan se kodu elebadi.
25:13 Reng-oreng jareya bakal teptebba ma'mor odhi'na, na' potona bakal abarisana tana sangkolan.
25:14 PANGERAN reya sahabadda oreng se ta'at, Salerana anyata'agi kasokanna ka reng-oreng jareya.
25:15 Tang mata teptep mandeng ka PANGERAN, sabab Salerana se masalamet sengko' dhari babaja.
25:16 Oladi abdidalem, kabellasi abdidalem, GUSTE, sabab abdidalem kadibi'an sareng ta' gadhuwan kakowadan.
25:17 Kasossa'an abdidalem sajan atamba, bebassagi abdidalem dhari karekongan.
25:18 Oladi kasangsara'an sareng kamalaradan abdidalem, parenge sapora sadajana dusa abdidalem.
25:19 Oladi saponapa bannya'epon moso abdidalem; sadaja padha baji' ka abdidalem.
25:20 Jaga'agi sareng pasalamettagi abdidalem, sopaja abdidalem ta' nanggung malo, sabab abdidalem ngaop ka Junandalem.
25:21 Moga kabecce'an sareng kajujuran ngerenge abdidalem, sabab Junandalem se earep abdidalem.
25:22 Ya Allah, bebassagi ommattepon Junandalem dhari sadajana karekongannepon.
25:2 Ya Allah, abdidalem parcaja ka Junandalem! Ja' kantos abdidalem epamalo, sareng esorak moso.
25:3 Oreng se akiyanat ka Junandalem tanto epabirang, namong se parcaja ka Junandalem ta' kera epakoceba.
25:4 Duduwagi ka abdidalem, GUSTE, ponapa se daddi kasokannepon Junandalem, parenge oneng ponapa se kodu elakone abdidalem.
25:5 Ngereng ajari sareng tonton abdidalem, sopaja odhi' menorot kasokannepon Junandalem, sabab Junandalem Allah se masalamet abdidalem, abdidalem salanjangnga ngarep ka Junandalem.
25:6 Kaemodi kabecce'an sareng kataresna'annepon Junandalem, GUSTE, se eduduwagi Junandalem ngabidi gi' dhimen.
25:7 Parenge sapora dusa sareng kasala'an abdidalem gi' ngodhana, kaemodi abdidalem menorot kataresna'an sareng kasaeyannepon Junandalem.
25:8 Sabab PANGERAN reya sae ban adil, noduwagi jalan ka oreng se posang.
25:9 PANGERAN nonton oreng se andhap asor, ngajarragi apa se daddi kasokanna ka reng-oreng jareya.
25:10 Oreng se ta'at ka parjanjiyan ban hokomma ekataresnae ban ekaestowe.
25:11 GUSTE, parenge sapora abdidalem, menorot janjiepon Junandalem, sabab ce' rajana kasala'an abdidalem.
25:12 PANGERAN ngajarragi ka oreng se ta'at jalan se kodu elebadi.
25:13 Reng-oreng jareya bakal teptebba ma'mor odhi'na, na' potona bakal abarisana tana sangkolan.
25:14 PANGERAN reya sahabadda oreng se ta'at, Salerana anyata'agi kasokanna ka reng-oreng jareya.
25:15 Tang mata teptep mandeng ka PANGERAN, sabab Salerana se masalamet sengko' dhari babaja.
25:16 Oladi abdidalem, kabellasi abdidalem, GUSTE, sabab abdidalem kadibi'an sareng ta' gadhuwan kakowadan.
25:17 Kasossa'an abdidalem sajan atamba, bebassagi abdidalem dhari karekongan.
25:18 Oladi kasangsara'an sareng kamalaradan abdidalem, parenge sapora sadajana dusa abdidalem.
25:19 Oladi saponapa bannya'epon moso abdidalem; sadaja padha baji' ka abdidalem.
25:20 Jaga'agi sareng pasalamettagi abdidalem, sopaja abdidalem ta' nanggung malo, sabab abdidalem ngaop ka Junandalem.
25:21 Moga kabecce'an sareng kajujuran ngerenge abdidalem, sabab Junandalem se earep abdidalem.
25:22 Ya Allah, bebassagi ommattepon Junandalem dhari sadajana karekongannepon.
Comments
Post a Comment