Jabur 24

24:1 Jaburra Daud. Kaagunganna PANGERAN bume ban saessena, dunnya ban mahlok se enneng e dhalemmanna.
24:2 Pangeran se masang dhasarra e attassa tase' raja, epamanjeng e attassa aeng se dhalem.
24:3 Sapa se olle ongga ka Gumo'na PANGERAN, *Gumo'na PANGERAN: Baca 2:6.* se olle maso' ka Dalemma?
24:4 Oreng se tadha' calena pekkeran ban tengka gulina, se ta' asompa palsu ban ta' nyemba brahala.
24:5 Oreng jareya se bakal eberkadana ban epasalamedda bi' PANGERAN, ban enyata'agiya ta' sala bi' Allah.
24:6 Kantha jareya oreng ngadhep ka Allah, se entar nyemba ka Allahna Yakub.
24:7 Bukka' palebar labang saketheng kona, Rato se molja bakal maso'a.
24:8 Sapa Rato se molja jareya? Salerana PANGERAN se parjuga, PANGERAN se possa' ban kobasa, se mennang e dhalem paperrangan.
24:9 Bukka' palebar labang saketheng kona, Rato se molja bakal maso'a.
24:10 Sapa Rato se molja jareya? PANGERAN Se Mahakobasa, jareya Rato se molja!