Jabur 2
2:1 Arapa sa-bangsa me' agigiran ros-terrosan, arapa oreng me' asakongkel se tadha' gunana?
2:2 To-ratona padha aberonta', para pangobasana alaban ka PANGERAN ban ka rato peleyanna Salerana.
2:3 Para pangobasa jareya padha ngoca', "Tore pakala to-rato ka'issa', me' olle sampeyan sareng kaula padha mardika!"
2:4 E sowarga Pangeran kasokan dhari kalenggiyanna, ngece sajjana reng-oreng jareya.
2:5 Reng-oreng jareya bi' Pangeran laju edukane ban esentak, padha katako'en nangale'e padukana.
2:6 Ca'na dhabuna, "E Siyon *Siyon: Kalaban oca' "Siyon" dha'-adha'na se emaksod iya areya "Kotthana Daud", bintengnga oreng Yebus se erebbu' tantarana Daud. Dhi-budhina artena pas daddi "Padalemman Socce".* Tang gumo' se socce, Sengko' la aresmeyagi rato Tang peleyan dibi'."
2:7 Dhabuna rato, "Sengko' mala'ana ka oreng se bannya', ca'na dhabuna ka sengko', 'Ba'na Tang ana', are teya Sengko' daddi Ramana ba'na.
2:8 Mara menta, sakabbinna bangsa bi' Sengko' ebagiya ka ba'na, saantero bume epadaddiya andhi'na ba'na.
2:9 Sa-bangsa jareya bakal epaancora ba'na bi' tongkat besse, epalejjara akantha polo' tana.' "
2:10 Daddi para rato, para edhingngagi Tang parengeddan reya, para pangobasana dunnya, mara kaenga'e pangajaran reya!
2:11 Patako' abakte ka PANGERAN,
2:12 pangetter asojud e ajunanna, ja' sampe' Pangeran duka, sampe' ba'na epatompes daksakala, sabab dukana rabbang sanatkala. Bajjra oreng se nyare pangaoban ka Pangeran!
2:2 To-ratona padha aberonta', para pangobasana alaban ka PANGERAN ban ka rato peleyanna Salerana.
2:3 Para pangobasa jareya padha ngoca', "Tore pakala to-rato ka'issa', me' olle sampeyan sareng kaula padha mardika!"
2:4 E sowarga Pangeran kasokan dhari kalenggiyanna, ngece sajjana reng-oreng jareya.
2:5 Reng-oreng jareya bi' Pangeran laju edukane ban esentak, padha katako'en nangale'e padukana.
2:6 Ca'na dhabuna, "E Siyon *Siyon: Kalaban oca' "Siyon" dha'-adha'na se emaksod iya areya "Kotthana Daud", bintengnga oreng Yebus se erebbu' tantarana Daud. Dhi-budhina artena pas daddi "Padalemman Socce".* Tang gumo' se socce, Sengko' la aresmeyagi rato Tang peleyan dibi'."
2:7 Dhabuna rato, "Sengko' mala'ana ka oreng se bannya', ca'na dhabuna ka sengko', 'Ba'na Tang ana', are teya Sengko' daddi Ramana ba'na.
2:8 Mara menta, sakabbinna bangsa bi' Sengko' ebagiya ka ba'na, saantero bume epadaddiya andhi'na ba'na.
2:9 Sa-bangsa jareya bakal epaancora ba'na bi' tongkat besse, epalejjara akantha polo' tana.' "
2:10 Daddi para rato, para edhingngagi Tang parengeddan reya, para pangobasana dunnya, mara kaenga'e pangajaran reya!
2:11 Patako' abakte ka PANGERAN,
2:12 pangetter asojud e ajunanna, ja' sampe' Pangeran duka, sampe' ba'na epatompes daksakala, sabab dukana rabbang sanatkala. Bajjra oreng se nyare pangaoban ka Pangeran!
Comments
Post a Comment