Jabur 19
19:1 Kaangguy pamimpinna koor. Jaburra Daud.
19:2 Langnge' anyata'agi kaagunganna Allah, ban aberta'agi sabarang se elampa'agi Salerana.
19:3 Are se settong manapa' ka are kalagguwanna; malem se settong nyareta'agi ka malem laenna.
19:4 Tadha' se acaca otaba ca'-ngoca', tadha' monye tadha' sowara.
19:5 Tape ro-sarowanna ekaedhing daddi sadunnya, pessenna napa' ka co'-konco'na bume sabalattrana. Pangeran abadhi bengko e langnge' menangka kennengnganna are,
19:6 se moncar e baja laggu akantha pangantan lake' se kalowar dhari kamarra, akantha pahlawan se perak amolae parjalananna.
19:7 Are jareya ajalan e langnge' dhari konco' se settong ka konco' settongnga; tadha' se lopot dhari panassa.
19:8 Hokomma PANGERAN reya samporna, masegger ate ban sokma. Papakonna PANGERAN reya ekenneng parcaja, madhateng hekmat ka oreng se majja.
19:9 Atoranna PANGERAN reya teppa', masenneng atena oreng se ta'at. Kateptebbanna PANGERAN reya morne, andaddiyagi oreng padha ngarte.
19:10 Abakte ka PANGERAN reya bagus, ajalan terros salanjangnga. Hokomma PANGERAN reya teppa', ban adil sakabbinna.
19:11 Hokomma PANGERAN lebbi aji dhari emmas morne, lebbi manes dhari maddu asli.
19:12 Abdidalem epaemot sareng kom-hokom ka'dhinto; ganjaran raja esadhiya'agi ka oreng se atoro'.
19:13 Tadha' se apangrasa ka kasala'anna; GUSTE, palopottagi abdidalem dhari kasala'an se ta' katengal.
19:14 Pajauwagi abdidalem dhari dusa se etengnget, ja' kantos dusa gapaneka ngobasane abdidalem. Daddi abdidalem pas tadha' calena, lopot dhari kasala'an se berra'.
19:15 Moga ca'-oca' sareng pekkeran abdidalem katarema'a ka Junandalem, GUSTE, Junandalem se ajaga sareng nebbus abdidalem.
19:2 Langnge' anyata'agi kaagunganna Allah, ban aberta'agi sabarang se elampa'agi Salerana.
19:3 Are se settong manapa' ka are kalagguwanna; malem se settong nyareta'agi ka malem laenna.
19:4 Tadha' se acaca otaba ca'-ngoca', tadha' monye tadha' sowara.
19:5 Tape ro-sarowanna ekaedhing daddi sadunnya, pessenna napa' ka co'-konco'na bume sabalattrana. Pangeran abadhi bengko e langnge' menangka kennengnganna are,
19:6 se moncar e baja laggu akantha pangantan lake' se kalowar dhari kamarra, akantha pahlawan se perak amolae parjalananna.
19:7 Are jareya ajalan e langnge' dhari konco' se settong ka konco' settongnga; tadha' se lopot dhari panassa.
19:8 Hokomma PANGERAN reya samporna, masegger ate ban sokma. Papakonna PANGERAN reya ekenneng parcaja, madhateng hekmat ka oreng se majja.
19:9 Atoranna PANGERAN reya teppa', masenneng atena oreng se ta'at. Kateptebbanna PANGERAN reya morne, andaddiyagi oreng padha ngarte.
19:10 Abakte ka PANGERAN reya bagus, ajalan terros salanjangnga. Hokomma PANGERAN reya teppa', ban adil sakabbinna.
19:11 Hokomma PANGERAN lebbi aji dhari emmas morne, lebbi manes dhari maddu asli.
19:12 Abdidalem epaemot sareng kom-hokom ka'dhinto; ganjaran raja esadhiya'agi ka oreng se atoro'.
19:13 Tadha' se apangrasa ka kasala'anna; GUSTE, palopottagi abdidalem dhari kasala'an se ta' katengal.
19:14 Pajauwagi abdidalem dhari dusa se etengnget, ja' kantos dusa gapaneka ngobasane abdidalem. Daddi abdidalem pas tadha' calena, lopot dhari kasala'an se berra'.
19:15 Moga ca'-oca' sareng pekkeran abdidalem katarema'a ka Junandalem, GUSTE, Junandalem se ajaga sareng nebbus abdidalem.
Comments
Post a Comment