Jabur 143
143:1 Jaburra Daud. Peyarsa'agi du'a abdidalem, GUSTE, gateyagi parnyo'onan abdidalem. Saodi abdidalem, sabab Junandalem esto, kabbullagi du'a abdidalem, sabab Junandalem adil.
143:2 Abdidalem ka'dhinto abdiepon Junandalem, ja' adili abdidalem, Guste, sabab e ajunannepon Junandalem tadha' oreng se ta' gadhuwan sala.
143:3 Abdidalem eserser sareng epakala moso, sarta epamaso' ka penjara se petteng calemot, abdidalem akadi oreng se ampon abit mate.
143:4 Abdidalem ampon ta' gadhuwan samangat, ate bingong ta' karowan.
143:5 Abdidalem ngenga'e re-are gi' jaman dhimen; mekkere sadajana se elampa'agi Junandalem, sadaja karyaepon Junandalem epekker e dhalem ate.
143:6 Abdidalem adu'a ka Junandalem lengngen epenthang, tanang eangka'; akadi tana se kerreng, abdidalem rep-ngarep Junandalem.
143:7 Ngereng enggal saodi abdidalem, GUSTE, sabab abdidalem ampon ta' gadhuwan pangarep. Ja' ngetek dhari abdidalem, Guste, sopaja abdidalem ta' akadi oreng se ampon toron ka alamma oreng mate.
143:8 Sabban gi' laggu paemottagi ka abdidalem kataresna'annepon Junandalem, sabab Junandalem pangarebban abdidalem. Duduwagi jalan se kodu elebadi abdidalem, sabab namong ka Junandalem abdidalem adu'a.
143:9 Abdidalem entar nyareya pangaoban ka Junandalem, palopottagi abdidalem, GUSTE, dhari sadajana moso.
143:10 Ajari abdidalem ngalakone kasokannepon Junandalem, sabab Junandalem Allah abdidalem. Junandalem sae, sareng badhi nonton abdidalem e jalan se rata.
143:11 Pasalamettagi abdidalem, GUSTE menorot se ejanjiyagi Junandalem, bebassagi abdidalem dhari kasompeggan, sabab Junandalem ka'dhinto pajat sae.
143:12 Patompessagi so-moso abdidalem, bit kataresna'annepon Junandalem, pamateyagi reng-oreng se nendhes abdidalem, sabab abdidalem ka'dhinto abdiepon Junandalem.
143:2 Abdidalem ka'dhinto abdiepon Junandalem, ja' adili abdidalem, Guste, sabab e ajunannepon Junandalem tadha' oreng se ta' gadhuwan sala.
143:3 Abdidalem eserser sareng epakala moso, sarta epamaso' ka penjara se petteng calemot, abdidalem akadi oreng se ampon abit mate.
143:4 Abdidalem ampon ta' gadhuwan samangat, ate bingong ta' karowan.
143:5 Abdidalem ngenga'e re-are gi' jaman dhimen; mekkere sadajana se elampa'agi Junandalem, sadaja karyaepon Junandalem epekker e dhalem ate.
143:6 Abdidalem adu'a ka Junandalem lengngen epenthang, tanang eangka'; akadi tana se kerreng, abdidalem rep-ngarep Junandalem.
143:7 Ngereng enggal saodi abdidalem, GUSTE, sabab abdidalem ampon ta' gadhuwan pangarep. Ja' ngetek dhari abdidalem, Guste, sopaja abdidalem ta' akadi oreng se ampon toron ka alamma oreng mate.
143:8 Sabban gi' laggu paemottagi ka abdidalem kataresna'annepon Junandalem, sabab Junandalem pangarebban abdidalem. Duduwagi jalan se kodu elebadi abdidalem, sabab namong ka Junandalem abdidalem adu'a.
143:9 Abdidalem entar nyareya pangaoban ka Junandalem, palopottagi abdidalem, GUSTE, dhari sadajana moso.
143:10 Ajari abdidalem ngalakone kasokannepon Junandalem, sabab Junandalem Allah abdidalem. Junandalem sae, sareng badhi nonton abdidalem e jalan se rata.
143:11 Pasalamettagi abdidalem, GUSTE menorot se ejanjiyagi Junandalem, bebassagi abdidalem dhari kasompeggan, sabab Junandalem ka'dhinto pajat sae.
143:12 Patompessagi so-moso abdidalem, bit kataresna'annepon Junandalem, pamateyagi reng-oreng se nendhes abdidalem, sabab abdidalem ka'dhinto abdiepon Junandalem.
Comments
Post a Comment