Jabur 138
138:1 Dhari Daud. Abdidalem asokkora ka Junandalem, GUSTE, kantos ka dhasarra ate. E ajunannepon sadajana diba abdidalem anyanyeyagi pojiyan kaagem Junandalem.
138:2 Abdidalem asojud ngadhep ka Padalemmannepon Junandalem se socce sambi ngagungngagi asmaepon Junandalem, sabab Junandalem esto sareng ta' pegga' taresnana. Junandalem lebbi ngotama'agi janjiepon, katembang pamanggina oreng parkara Junandalem.
138:3 E bakto abdidalem aserro ka Junandalem, Junandalem nyaodi, Junandalem makowat ate abdidalem kantos abdidalem daddi bangal.
138:4 Sadajana rato e bume amolja'agiya Junandalem, GUSTE, sabab to-rato gapaneka ampon mereng parkara janjiepon Junandalem.
138:5 To-rato gapaneka anyanye parkara se elampa'agi Junandalem sareng parkara kaagungannepon Junandalem se talebat rajana.
138:6 Junandalem talebat molja, namong se nespa sareng Junandalem egateyagi jugan, oreng sombong ta' kengeng ngetek dhari Junandalem.
138:7 E bakto abdidalem manggi kasossa'an, Junandalem nolonge kantos abdidalem teptep odhi' salamet. Junandalem alabannagi ka moso abdidalem se ngamok, masalamet abdidalem sareng kobasaepon.
138:8 Junandalem bakal neptebbi janjiepon ka abdidalem; kataresna'anna Junandalem langgeng tadha' obana. Palastareyagi lalakon se ampon emolae sareng Junandalem.
138:2 Abdidalem asojud ngadhep ka Padalemmannepon Junandalem se socce sambi ngagungngagi asmaepon Junandalem, sabab Junandalem esto sareng ta' pegga' taresnana. Junandalem lebbi ngotama'agi janjiepon, katembang pamanggina oreng parkara Junandalem.
138:3 E bakto abdidalem aserro ka Junandalem, Junandalem nyaodi, Junandalem makowat ate abdidalem kantos abdidalem daddi bangal.
138:4 Sadajana rato e bume amolja'agiya Junandalem, GUSTE, sabab to-rato gapaneka ampon mereng parkara janjiepon Junandalem.
138:5 To-rato gapaneka anyanye parkara se elampa'agi Junandalem sareng parkara kaagungannepon Junandalem se talebat rajana.
138:6 Junandalem talebat molja, namong se nespa sareng Junandalem egateyagi jugan, oreng sombong ta' kengeng ngetek dhari Junandalem.
138:7 E bakto abdidalem manggi kasossa'an, Junandalem nolonge kantos abdidalem teptep odhi' salamet. Junandalem alabannagi ka moso abdidalem se ngamok, masalamet abdidalem sareng kobasaepon.
138:8 Junandalem bakal neptebbi janjiepon ka abdidalem; kataresna'anna Junandalem langgeng tadha' obana. Palastareyagi lalakon se ampon emolae sareng Junandalem.
Comments
Post a Comment