Jabur 132
132:1 Nyanyeyan ziyara. Kaemodi Daud, GUSTE, sareng sadajana kasossa'anna.
132:2 Kaemodi bakteepon ka Junandalem, GUSTE, ka neyattepon se ejanjiyagi ka Junandalem, Se Mahakowat, Allahna Yakub.
132:3-4 Dhabuna, "Sengko' ta' aistirahada e tang bengko ban ta' tedhunga e tang ranjang,
132:5 sabellunna nyadhiya'agi padalemman kaagem Allahna Yakub, kaagem kalenggiyanna PANGERAN Se Mahakowat."
132:6 E Betlehem sengko' ban ba'na ngedhing parkara Petthe Parjanjiyan, pas nemmo Petthe jareya e teggal Ya'ar.
132:7 Mara ja' entara ka kalenggiyanna PANGERAN, pas nyemba ka Salerana e adha'anna korse karaja'anna.
132:8 Ngereng rabu pas alenggi e Padalemmannepon Junandalem, GUSTE, akompol sareng Petthe Parjanjiyan, lambang kakobasa'annepon Junandalem.
132:9 Moga ommattepon Junandalem asorak gumbira, para imammepon Junandalem terros odhi' menorot kasokannepon Junandalem.
132:10 Bit asmaepon Daud, abdiepon Junandalem, ja' tolak rato peleyannepon Junandalem, GUSTE.
132:11 Pangeran la asompa ka Daud; Salerana ta' kera mongkere janjina. Dhabuna, "Sala settong dhari toronanna ba'na bi' Sengko' epadaddiya rato epamarenta'a epaganteya ba'na.
132:12 Mon na'-ana'na ba'na ngestowagi Tang parjanjiyan, ban na'adi Tang parenta, toronanna na'-ana'na ba'na jareya saterrossa bakal aganteya ba'na daddi rato."
132:13 Sabab PANGERAN la mele Siyon; epadaddiya kalenggiyanna.
132:14 Dhabuna, "E dhinna' reya Tang kennengngan salanjangnga, Sengko' terro marenta'a e dhinna'.
132:15 Sakabbinna kaparlowanna bi' Sengko' eberri'ana sabannya'na, reng-oreng se mesken eberri'ana ngakan sakennyangnga.
132:16 Mam-imamma bi' Sengko' eberkadana e dhalem sakabbinna lakona, ommadda bakal anyanye ban asorak gumbira.
132:17 E dhinna' sala settonga toronanna Daud bi' Sengko' epadaddiya rato; pamarenta'anna epakokowa bi' Sengko'.
132:18 Karaja'anna bakal rajja'a, tape so-mosona bakal epamalowa."
132:2 Kaemodi bakteepon ka Junandalem, GUSTE, ka neyattepon se ejanjiyagi ka Junandalem, Se Mahakowat, Allahna Yakub.
132:3-4 Dhabuna, "Sengko' ta' aistirahada e tang bengko ban ta' tedhunga e tang ranjang,
132:5 sabellunna nyadhiya'agi padalemman kaagem Allahna Yakub, kaagem kalenggiyanna PANGERAN Se Mahakowat."
132:6 E Betlehem sengko' ban ba'na ngedhing parkara Petthe Parjanjiyan, pas nemmo Petthe jareya e teggal Ya'ar.
132:7 Mara ja' entara ka kalenggiyanna PANGERAN, pas nyemba ka Salerana e adha'anna korse karaja'anna.
132:8 Ngereng rabu pas alenggi e Padalemmannepon Junandalem, GUSTE, akompol sareng Petthe Parjanjiyan, lambang kakobasa'annepon Junandalem.
132:9 Moga ommattepon Junandalem asorak gumbira, para imammepon Junandalem terros odhi' menorot kasokannepon Junandalem.
132:10 Bit asmaepon Daud, abdiepon Junandalem, ja' tolak rato peleyannepon Junandalem, GUSTE.
132:11 Pangeran la asompa ka Daud; Salerana ta' kera mongkere janjina. Dhabuna, "Sala settong dhari toronanna ba'na bi' Sengko' epadaddiya rato epamarenta'a epaganteya ba'na.
132:12 Mon na'-ana'na ba'na ngestowagi Tang parjanjiyan, ban na'adi Tang parenta, toronanna na'-ana'na ba'na jareya saterrossa bakal aganteya ba'na daddi rato."
132:13 Sabab PANGERAN la mele Siyon; epadaddiya kalenggiyanna.
132:14 Dhabuna, "E dhinna' reya Tang kennengngan salanjangnga, Sengko' terro marenta'a e dhinna'.
132:15 Sakabbinna kaparlowanna bi' Sengko' eberri'ana sabannya'na, reng-oreng se mesken eberri'ana ngakan sakennyangnga.
132:16 Mam-imamma bi' Sengko' eberkadana e dhalem sakabbinna lakona, ommadda bakal anyanye ban asorak gumbira.
132:17 E dhinna' sala settonga toronanna Daud bi' Sengko' epadaddiya rato; pamarenta'anna epakokowa bi' Sengko'.
132:18 Karaja'anna bakal rajja'a, tape so-mosona bakal epamalowa."
Comments
Post a Comment