Jabur 122

122:1 Nyanyeyan ziyarana Daud. Sengko' perak e bakto oreng ngoca' ka sengko', "Mara ja' entara ka Padalemman Socce!"
122:2 Sateya sengko' ban en-laenna la napa' e labang sakethengnga kottha Yerusalim.
122:3 Yerusalim se epaddek daddi kottha bagus sosonanna ban lebur abasanna.
122:4 Ka kottha jareya dhateng ku-suku bangsa, ku-suku bangsa peleyanna PANGERAN, kaangguy asokkor ka Salerana menorot se epakonnagi Salerana.
122:5 E dhinna' to-rato toronanna Daud ahakime ra'yadda.
122:6 Mara adu'a nyo'on kataremtemmanna ban kama'moranna Yerusalim: "Moga reng-oreng se taresna ka Yerusalim eparengngana odhi' ma'mor ban taremtem.
122:7 Moga e dhalem dhaerana ba'na eparengngana rokon ban aman, e dhalem teng-bintengnga ba'na mandar taremtemma."
122:8 Bit odhi'na tang la-bala ban tang ca-kanca, sengko' ngoca', "Moga ba'na taremtemma!"
122:9 Bit Padalemmanna PANGERAN, Allahna sengko' ban ba'na, sengko' adu'a mandar ba'na sennengnga odhi'na.