Jabur 10
10:1 Aponapa Junandalem me' jau, GUSTE, sareng ngetek ta' etangale, e bakto abdidalem e dhalem karekongan?
10:2 Oreng jahat ce' angkona nendhes oreng se mesken; mandar tajira'a sareng jaringngepon dibi'.
10:3 Reng-oreng jahat asebbal parkara pangaterrona se juba', oreng se dhakka abasto sareng nolak PANGERAN.
10:4 Oreng se dusa ta' parduli ka PANGERAN, Allah eanggep tadha' dhari angkona.
10:5 Oreng jahat ahasel e dhalem sadajana ehteyarra, ta' oneng sareng ta' ngarte ka hokomma Pangeran sareng nganggep entheng sadajana mosona.
10:6 Ca'na pekkerra, "Sengko' masthe ahasel salanjangnga, ron-temoron ta' kera nemmo calaka'."
10:7 Bibirra ros-terrosan abasto, ngara sareng nepo, cacana possa' sareng kabaji'an sareng kajahadan.
10:8-9 Oreng gapaneka ngetek e sa-disa mateyana oreng se ta' sala. Ngetek e budhina ombut akadi macan se nyendhemme oreng se ta' kengeng apa-ponapa. Oreng mesken eaddhang e kennengngan se seppe, laju esargep, terros ebakta sambi eeret.
10:10 Oreng gapaneka ngendha' nyargebba; oreng eparobbu kalaban kakerrasan.
10:11 Ca'epon pekkerra, "Allah la loppa, ta' parduli ka sengko' reya, ta' ngoladi ka sengko' saterrossa!"
10:12 Ngereng ngadek, GUSTE, okommagi oreng se jahat! Kaemodi oreng se tatendhes odhi'na.
10:13 Aponapa oreng jahat me' ya-nyeya Allah saterrossa, sareng apekker ja' Allah ta' kera ngokom aba'na?
10:14 Namong Junandalem ngoladi sadajana; Junandalem mekkere kasossa'an sareng kasangsara'an, ros-terrosan asadhiya se aparenga partolongan. Oreng se ta' kengeng apa-ponapa massra'agi aba'epon ka Junandalem, oreng mesken sareng Junandalem ebanto ros-terrosan.
10:15 Potellagi kakobasa'annepon reng-oreng jahat ban se daraka; okommagi lantaran tengka polana, kantos jerra ka budhina.
10:16 PANGERAN marenta kaangguy salanjangnga; sa-bangsa se ta' kennal ka Salerana, bakal elanga dhari tanana.
10:17 Guste PANGERAN, Junandalem meyarsa'agi du'ana oreng se eya-seya sareng makowat atena.
10:18 Kana' jatim sareng se tatendhes odhi'na sareng Junandalem ebillai parkarana, sopaja tadha' oreng se ko'-nako'e atena.
10:2 Oreng jahat ce' angkona nendhes oreng se mesken; mandar tajira'a sareng jaringngepon dibi'.
10:3 Reng-oreng jahat asebbal parkara pangaterrona se juba', oreng se dhakka abasto sareng nolak PANGERAN.
10:4 Oreng se dusa ta' parduli ka PANGERAN, Allah eanggep tadha' dhari angkona.
10:5 Oreng jahat ahasel e dhalem sadajana ehteyarra, ta' oneng sareng ta' ngarte ka hokomma Pangeran sareng nganggep entheng sadajana mosona.
10:6 Ca'na pekkerra, "Sengko' masthe ahasel salanjangnga, ron-temoron ta' kera nemmo calaka'."
10:7 Bibirra ros-terrosan abasto, ngara sareng nepo, cacana possa' sareng kabaji'an sareng kajahadan.
10:8-9 Oreng gapaneka ngetek e sa-disa mateyana oreng se ta' sala. Ngetek e budhina ombut akadi macan se nyendhemme oreng se ta' kengeng apa-ponapa. Oreng mesken eaddhang e kennengngan se seppe, laju esargep, terros ebakta sambi eeret.
10:10 Oreng gapaneka ngendha' nyargebba; oreng eparobbu kalaban kakerrasan.
10:11 Ca'epon pekkerra, "Allah la loppa, ta' parduli ka sengko' reya, ta' ngoladi ka sengko' saterrossa!"
10:12 Ngereng ngadek, GUSTE, okommagi oreng se jahat! Kaemodi oreng se tatendhes odhi'na.
10:13 Aponapa oreng jahat me' ya-nyeya Allah saterrossa, sareng apekker ja' Allah ta' kera ngokom aba'na?
10:14 Namong Junandalem ngoladi sadajana; Junandalem mekkere kasossa'an sareng kasangsara'an, ros-terrosan asadhiya se aparenga partolongan. Oreng se ta' kengeng apa-ponapa massra'agi aba'epon ka Junandalem, oreng mesken sareng Junandalem ebanto ros-terrosan.
10:15 Potellagi kakobasa'annepon reng-oreng jahat ban se daraka; okommagi lantaran tengka polana, kantos jerra ka budhina.
10:16 PANGERAN marenta kaangguy salanjangnga; sa-bangsa se ta' kennal ka Salerana, bakal elanga dhari tanana.
10:17 Guste PANGERAN, Junandalem meyarsa'agi du'ana oreng se eya-seya sareng makowat atena.
10:18 Kana' jatim sareng se tatendhes odhi'na sareng Junandalem ebillai parkarana, sopaja tadha' oreng se ko'-nako'e atena.
Comments
Post a Comment