Jabur 1

1:1 Bajjra oreng se ta' atoro' ka babala'anna oreng jahat, se ta' nerowe tengkana oreng se bannya' dusana, sarta ta' akompol ban reng-oreng se ya-nyeya Allah,
1:2 se lebur ajalannagi papakonna PANGERAN, sarta mekker parkara papakon jareya malem ban seyang.
1:3 Oreng jareya olle hasel e dhalem saneyap ehteyarra, akantha kajuwan e penggir songay, se abuwa mon teppa' mosemma ban ta' tao elop dhaunna.
1:4 Sabaligga, oreng jahat, padha ban sekkem se eabber angen.
1:5 Oreng jahat bakal eokoma bi' Allah, hakimma ban epesa dhari ommat laenna.
1:6 Sabab oreng se ta'at etonton ban eaobi PANGERAN, tape oreng jahat bakal ancora odhi'na.