Yesaya 46
46:1 Areya' dhi-budhina ba-dibana Babil; lamba' arcana Bel ban Nebo esemba, tape sateya ebuwa' e attassa keban, maberra' ka keban se lesso.
46:2 Ca-arca jareya ta' bisa nolong reng-oreng se ngosong, sabab ca-arca jareya dibi' eosong akantha tawanan. Jareya dhi-budhina ca-arca rowa.
46:3 Edhingngagi Sengko', toronanna Yakub, ba'na kabbi karena Tang ommat. Ba'na la epeyara bi' Sengko', molae ba'na lahir ka dunnya.
46:4 Sengko' paggun Allahna ba'na sampe' ba'na towa, ban teptep ajaga'a ba'na sampe' ba'na pote obu'na. Sengko' agabay ba'na ban teptep meyara ba'na, Sengko' nolonga ban masalamedda ba'na.
46:5 Ebandhingngagiya bi' sapa Sengko' reya bi' ba'na? Ba' badha'a se ekenneng papadha ban Sengko' reya?
46:6 Oreng mokka' dhompedda pas notta' emmassa, salakana pas etembang bi' tembangan. Oreng jareya ngopa tokang emmas epagabaya arca brahala, saellana laju nyemba arca gabayanna jareya.
46:7 Arca jareya epako esaba' e kennengnganna, manjeng e jadhiya, ta' bisa ngalle man-dha'emman. Mon badha oreng adu'a ka arca jareya, arcana ta' bisa nyaot pa-apa, ta' bisa masalamet oreng jareya dhari kasossa'anna.
46:8 Kaenga'e ban tembang, ya, he, reng-oreng daraka!
46:9 Kaenga'e kadaddiyan-kadaddiyan e jaman lamba'na; akone ja' Sengko' reya Allah, ban tadha' laenna, Sengko' Allah, ban tadha' se padha ban Sengko' reya.
46:10 Dhari dha'-adha'na Sengko' la malae apa se kadaddiyana e budhi are, dhari lamba' Sengko' abala apa se bakal kadaddiyana. Ca'na Sengko': Tang kapotosan bakal kalakona, Tang karep masthe ejalannagi bi' Sengko' reya!
46:11 Sengko' ngolok pangobasa dhari temor *pangobasa dhari temor: Baca 41:2.* se dhateng akantha mano' se galak kaangguy ajalannagi kapotosanna Sengko'. Apa se ekoca'agi Sengko' masthe ejalannagi, apa se ekasajja Sengko' tanto elakone.
46:12 Edhingngagi Sengko', reng-oreng se angga', ba'na se nyangka ja' kamennangan gi' jau.
46:13 Sengko' masemma'a are pambebasan, kasalameddan se ejanjiyagi Sengko' ta' epanyoroda. Sengko' masalamedda Yerusalim, ban aberri'a kahormadan ka Isra'il."
46:2 Ca-arca jareya ta' bisa nolong reng-oreng se ngosong, sabab ca-arca jareya dibi' eosong akantha tawanan. Jareya dhi-budhina ca-arca rowa.
46:3 Edhingngagi Sengko', toronanna Yakub, ba'na kabbi karena Tang ommat. Ba'na la epeyara bi' Sengko', molae ba'na lahir ka dunnya.
46:4 Sengko' paggun Allahna ba'na sampe' ba'na towa, ban teptep ajaga'a ba'na sampe' ba'na pote obu'na. Sengko' agabay ba'na ban teptep meyara ba'na, Sengko' nolonga ban masalamedda ba'na.
46:5 Ebandhingngagiya bi' sapa Sengko' reya bi' ba'na? Ba' badha'a se ekenneng papadha ban Sengko' reya?
46:6 Oreng mokka' dhompedda pas notta' emmassa, salakana pas etembang bi' tembangan. Oreng jareya ngopa tokang emmas epagabaya arca brahala, saellana laju nyemba arca gabayanna jareya.
46:7 Arca jareya epako esaba' e kennengnganna, manjeng e jadhiya, ta' bisa ngalle man-dha'emman. Mon badha oreng adu'a ka arca jareya, arcana ta' bisa nyaot pa-apa, ta' bisa masalamet oreng jareya dhari kasossa'anna.
46:8 Kaenga'e ban tembang, ya, he, reng-oreng daraka!
46:9 Kaenga'e kadaddiyan-kadaddiyan e jaman lamba'na; akone ja' Sengko' reya Allah, ban tadha' laenna, Sengko' Allah, ban tadha' se padha ban Sengko' reya.
46:10 Dhari dha'-adha'na Sengko' la malae apa se kadaddiyana e budhi are, dhari lamba' Sengko' abala apa se bakal kadaddiyana. Ca'na Sengko': Tang kapotosan bakal kalakona, Tang karep masthe ejalannagi bi' Sengko' reya!
46:11 Sengko' ngolok pangobasa dhari temor *pangobasa dhari temor: Baca 41:2.* se dhateng akantha mano' se galak kaangguy ajalannagi kapotosanna Sengko'. Apa se ekoca'agi Sengko' masthe ejalannagi, apa se ekasajja Sengko' tanto elakone.
46:12 Edhingngagi Sengko', reng-oreng se angga', ba'na se nyangka ja' kamennangan gi' jau.
46:13 Sengko' masemma'a are pambebasan, kasalameddan se ejanjiyagi Sengko' ta' epanyoroda. Sengko' masalamedda Yerusalim, ban aberri'a kahormadan ka Isra'il."
Comments
Post a Comment