Yesaya 32
32:1 Abas, bakal dhapa'a baktona badha rato se marenta kalaban adil ban pin-pamimpinna bangsa ajalannagi kaadilan.
32:2 Reng-oreng jareya padha daddi pangaobanna oreng dhari angen ban kaleng busbus. Reng-oreng jareya akantha songay se agili e sagara beddhi, akantha kennengngan se naong e baba'anna bato se raja e tana kajal.
32:3 Oreng se bisa nangale ta' kera notop matana, ban se ngedhing ta' kera nyompet kopengnga.
32:4 Oreng se lamba'na ta' kellar ngampet napsona bakal sabbara ban etoro'e pangarteyan e dhalem tengka gulina. Oreng se jalujju' bakal terranga cacana.
32:5 Oreng budhu ta' ehormat oreng pole, ban tokang tepo ta' ekoca' oreng se jujur.
32:6 Oreng se budhu ngoca'agi caca se budhu ban andhi' sajja se jahat. Apa'a bai se elakone ban se ekoca'agi aropa lalakon se ya-nyeya Allah. Oreng jareya ta' tao aberri' ngakan ka oreng se lapar ban ta' tao aberri' ngenom ka oreng se pelka'.
32:7 Dineng oreng se dujan nepo mekkere ban ngalakone barang se jahat; nyare akkal baramma carana se macalaka'a oreng mesken kalaban caca lecek, ban lang-ngalange sopaja reng-oreng mesken jareya ta' narema ha'na.
32:8 Tape oreng se tenggi buddina andhi' sajja ngalakonana parkara se bagus ban ajalannagi barang se bagus keya.
32:9 Mara edhingngagi, he, babine'an se nyaman odhi'na, se lopot dhari kasossa'an!
32:10 Sateya ba'na olle arassa aman, tape sataon aggi' ba'na bakal potosa pangarep sabab anggurra ba'na bakal tadha'a hasella, ban hasel bume laenna bakal tadha'a keya.
32:11 Sampe' sateya reya ba'na nyaman odhi'na, lopot dhari kasossa'an. Tape sateya, mara ngetter katako'en! Bukka' kalambina, pas ngala' karong taleyagi ka tengngana.
32:12 Tangese gal-teggalla ba'na se landhu ban bun-kebbunna anggurra se lebba' buwana,
32:13 sabab tanana tang bangsa etombuwi ombut se adhuri. Onggu, mara tangese ko-bengkona ba'na se egabay kennengnganna oreng neng-sennengngan ban kottha se possa' ban men-rammen!
32:14 La'-mala' karaton bakal eondurana ban ibu kottha se ramme bakal seppeya. Gumo' ban ra-manara panjaga'an la eparata ban tana salanjangnga. Mar-hemar alas ban ba-dumba bakal asalebbudana ngamba e jadhiya.
32:15 Tape sakaleyan aggi' Allah bakal rabuwa kalaban kakobasa'anna. Sagara beddhi bakal aoba'a daddi gal-teggal se landhu, ban gal-teggal bakal daddiya alas.
32:16 E saantero nagara bakal badha'a kaadilan ban kajujuran.
32:17 Saneyap oreng bakal ajalannagiya sabarang se teppa', sampe' kabadha'an rajja ban taremtem salanjangnga.
32:18 Ommadda Allah bakal lopoda dhari kasossa'an ban odhi'a e kennengngan se aman ban taremtem.
32:19-20 Saapa sennengnga ba'na kabbi sabab badha aeng cokop kaangguy men-tamennanna, ban ebinna ba'na bisa ngamba e man-dhimman kalaban aman. Tape mosona ba'na bakal padha'a ban alas se ekenneng ojan bato, ban kotthana bakal epaancora.
32:2 Reng-oreng jareya padha daddi pangaobanna oreng dhari angen ban kaleng busbus. Reng-oreng jareya akantha songay se agili e sagara beddhi, akantha kennengngan se naong e baba'anna bato se raja e tana kajal.
32:3 Oreng se bisa nangale ta' kera notop matana, ban se ngedhing ta' kera nyompet kopengnga.
32:4 Oreng se lamba'na ta' kellar ngampet napsona bakal sabbara ban etoro'e pangarteyan e dhalem tengka gulina. Oreng se jalujju' bakal terranga cacana.
32:5 Oreng budhu ta' ehormat oreng pole, ban tokang tepo ta' ekoca' oreng se jujur.
32:6 Oreng se budhu ngoca'agi caca se budhu ban andhi' sajja se jahat. Apa'a bai se elakone ban se ekoca'agi aropa lalakon se ya-nyeya Allah. Oreng jareya ta' tao aberri' ngakan ka oreng se lapar ban ta' tao aberri' ngenom ka oreng se pelka'.
32:7 Dineng oreng se dujan nepo mekkere ban ngalakone barang se jahat; nyare akkal baramma carana se macalaka'a oreng mesken kalaban caca lecek, ban lang-ngalange sopaja reng-oreng mesken jareya ta' narema ha'na.
32:8 Tape oreng se tenggi buddina andhi' sajja ngalakonana parkara se bagus ban ajalannagi barang se bagus keya.
32:9 Mara edhingngagi, he, babine'an se nyaman odhi'na, se lopot dhari kasossa'an!
32:10 Sateya ba'na olle arassa aman, tape sataon aggi' ba'na bakal potosa pangarep sabab anggurra ba'na bakal tadha'a hasella, ban hasel bume laenna bakal tadha'a keya.
32:11 Sampe' sateya reya ba'na nyaman odhi'na, lopot dhari kasossa'an. Tape sateya, mara ngetter katako'en! Bukka' kalambina, pas ngala' karong taleyagi ka tengngana.
32:12 Tangese gal-teggalla ba'na se landhu ban bun-kebbunna anggurra se lebba' buwana,
32:13 sabab tanana tang bangsa etombuwi ombut se adhuri. Onggu, mara tangese ko-bengkona ba'na se egabay kennengnganna oreng neng-sennengngan ban kottha se possa' ban men-rammen!
32:14 La'-mala' karaton bakal eondurana ban ibu kottha se ramme bakal seppeya. Gumo' ban ra-manara panjaga'an la eparata ban tana salanjangnga. Mar-hemar alas ban ba-dumba bakal asalebbudana ngamba e jadhiya.
32:15 Tape sakaleyan aggi' Allah bakal rabuwa kalaban kakobasa'anna. Sagara beddhi bakal aoba'a daddi gal-teggal se landhu, ban gal-teggal bakal daddiya alas.
32:16 E saantero nagara bakal badha'a kaadilan ban kajujuran.
32:17 Saneyap oreng bakal ajalannagiya sabarang se teppa', sampe' kabadha'an rajja ban taremtem salanjangnga.
32:18 Ommadda Allah bakal lopoda dhari kasossa'an ban odhi'a e kennengngan se aman ban taremtem.
32:19-20 Saapa sennengnga ba'na kabbi sabab badha aeng cokop kaangguy men-tamennanna, ban ebinna ba'na bisa ngamba e man-dhimman kalaban aman. Tape mosona ba'na bakal padha'a ban alas se ekenneng ojan bato, ban kotthana bakal epaancora.
Comments
Post a Comment