Yeremiya 40
40:1 PANGERAN adhabu ka sengko' saellana Nebuzaradan, komandanna pasukan rowa, mabebas sengko' e Rama. Sengko' egiba ka jadhiya ekalenthong epabareng ban sakabbinna oreng laen dhari Yerusalim ban Yehuda se teppa'na eangko' menangka tawanan ka Babil.
40:2 Komandanna pasukan jareya ngolok sengko' epakadibi'an, laju ngoca', "GUSTE Allahna sampeyan adhabu ngancora nagara paneka.
40:3 Samangken dhabuna ganeka ampon elampa'agi, sabab bangsana sampeyan dusa sareng ta' ta'at ka Salerana.
40:4 Samangken kalenthongnga sampeyan bi' kaula ebukka'a, sampeyan bi' kaula epabebasa. Manabi kasokan, sampeyan kengeng noro' ka Babil, bi' kaula sampeyan ejaga'a. Namong manabi sampeyan ta' kasokan, ta' aponapa. E nagara paneka sampeyan bebas ka'amma'a saos."
40:5 Sabellunna mangkat, Nebuzaradan ngoca', "Manabi kasokan, sampeyan kengeng abali ka Gedalya ana'na Ahikam, kompoyya Safan, se sareng rato Babil ampon epadaddi gubennor tha-kottha Yehuda. Sampeyan kengeng alenggi sareng gubennor gapaneka e antarana ra'yat, otaba entar ka'amma'a saos menorot kasokanna sampeyan." Sengko' laju eberri'i sango kakanan ban persen, ban sengko' pas eocol.
40:6 Sengko' entar ka Gedalya e Mizpa, apolong e jadhiya e nga'-tengnga'anna ra'yat se edina e nagara Yehuda.
40:7 Sabagiyan dhari ra-parwirana ban tantara Yehuda ta' endha' atellok ka Babil. Reng-oreng jareya ngedhing ja' bi' rato Babil Gedalya epadaddi gubennor e Yehuda epamarenta sakabbinna oreng se gi' paggun enneng e Yehuda, iya reya reng-oreng se paleng mesken.
40:8 Daddi Isma'il, ana'na Netanya, Yokanan ana'na Kareyah, Seraya ana'na Tanhumet, ban na'-ana'na Efai dhari Netofa, sarta Yezanya dhari Ma'akha entar ka Gedalya e Mizpa abareng ban reng-orengnga.
40:9 Gedalya adhabu ka reng-oreng jareya, "Sampeyan ta' osa tako' atellok ka oreng Babil. Alenggi e nagara kaula paneka, ngabdi ka rato Babil. Kaula nanggung sampeyan tanto salamet.
40:10 Pele dibi', alenggi e tha-kottha se ekasokane sampeyan; eatore makompol sareng nyempen anggur, wa'-buwa'an sareng mennya' jaitun. Kaula dibi' ennengnga e Mizpa sareng abakkelana ra'yat manabi oreng Babil dhateng ka ka'dhinto."
40:11 Sabatara jareya reng-oreng Isra'il se badha e nagara Mo'ab, Amon, Edom ban ra-nagara laenna, padha ngedhing ja' rato Babil ngedine sabagiyan dhari oreng Isra'il teptep neng e Yehuda, sarta ja' Gedalya epadaddi gubennor bi' rato Babil jareya.
40:12 Daddi reng-oreng jareya padha ngalle dhari ra-nagara kennengnganna aba'na epabalessadan, laju abali ka Yehuda. Reng-oreng jareya padha entar ka Gedalya e Mizpa, sarta makompol anggur ban wa'-buwa'an ce' bannya'na.
40:13 Saellana jareya Yokanan ban para parwira se ta' atellok ka moso, entar ka Gedalya e Mizpa,
40:14 laju ngoca', "Ponapa panjennengngan ampon oneng ja' Ba'alis rato Amon makon Isma'il mate'e panjennengngan?" Tape Gedalya ta' parcaja ka oca'na reng-oreng jareya.
40:15 Yokanan laju ta' asa'kasa' entar kadibi'an ka Gedalya, pas ngoca', "Diggal Isma'il bi' kaula epateyana; ta' kera badha oreng oneng pasera se mate'e. Aponapa me' daddi Isma'il epannengnga mate'e panjennengngan? Dhaggi' reng-oreng Yehuda se ampon akompol e ka'dhinto sareng panjennengngan, tanto pas abalessadan pole, ban gapaneka tanto maancor sadajana karena ra'yat se gi' badha e Yehuda."
40:16 Tape Gedalya nyaot, "Ampon! Se ekoca'agi sampeyan parkara Isma'il ganeka ta' lerres."
40:2 Komandanna pasukan jareya ngolok sengko' epakadibi'an, laju ngoca', "GUSTE Allahna sampeyan adhabu ngancora nagara paneka.
40:3 Samangken dhabuna ganeka ampon elampa'agi, sabab bangsana sampeyan dusa sareng ta' ta'at ka Salerana.
40:4 Samangken kalenthongnga sampeyan bi' kaula ebukka'a, sampeyan bi' kaula epabebasa. Manabi kasokan, sampeyan kengeng noro' ka Babil, bi' kaula sampeyan ejaga'a. Namong manabi sampeyan ta' kasokan, ta' aponapa. E nagara paneka sampeyan bebas ka'amma'a saos."
40:5 Sabellunna mangkat, Nebuzaradan ngoca', "Manabi kasokan, sampeyan kengeng abali ka Gedalya ana'na Ahikam, kompoyya Safan, se sareng rato Babil ampon epadaddi gubennor tha-kottha Yehuda. Sampeyan kengeng alenggi sareng gubennor gapaneka e antarana ra'yat, otaba entar ka'amma'a saos menorot kasokanna sampeyan." Sengko' laju eberri'i sango kakanan ban persen, ban sengko' pas eocol.
40:6 Sengko' entar ka Gedalya e Mizpa, apolong e jadhiya e nga'-tengnga'anna ra'yat se edina e nagara Yehuda.
40:7 Sabagiyan dhari ra-parwirana ban tantara Yehuda ta' endha' atellok ka Babil. Reng-oreng jareya ngedhing ja' bi' rato Babil Gedalya epadaddi gubennor e Yehuda epamarenta sakabbinna oreng se gi' paggun enneng e Yehuda, iya reya reng-oreng se paleng mesken.
40:8 Daddi Isma'il, ana'na Netanya, Yokanan ana'na Kareyah, Seraya ana'na Tanhumet, ban na'-ana'na Efai dhari Netofa, sarta Yezanya dhari Ma'akha entar ka Gedalya e Mizpa abareng ban reng-orengnga.
40:9 Gedalya adhabu ka reng-oreng jareya, "Sampeyan ta' osa tako' atellok ka oreng Babil. Alenggi e nagara kaula paneka, ngabdi ka rato Babil. Kaula nanggung sampeyan tanto salamet.
40:10 Pele dibi', alenggi e tha-kottha se ekasokane sampeyan; eatore makompol sareng nyempen anggur, wa'-buwa'an sareng mennya' jaitun. Kaula dibi' ennengnga e Mizpa sareng abakkelana ra'yat manabi oreng Babil dhateng ka ka'dhinto."
40:11 Sabatara jareya reng-oreng Isra'il se badha e nagara Mo'ab, Amon, Edom ban ra-nagara laenna, padha ngedhing ja' rato Babil ngedine sabagiyan dhari oreng Isra'il teptep neng e Yehuda, sarta ja' Gedalya epadaddi gubennor bi' rato Babil jareya.
40:12 Daddi reng-oreng jareya padha ngalle dhari ra-nagara kennengnganna aba'na epabalessadan, laju abali ka Yehuda. Reng-oreng jareya padha entar ka Gedalya e Mizpa, sarta makompol anggur ban wa'-buwa'an ce' bannya'na.
40:13 Saellana jareya Yokanan ban para parwira se ta' atellok ka moso, entar ka Gedalya e Mizpa,
40:14 laju ngoca', "Ponapa panjennengngan ampon oneng ja' Ba'alis rato Amon makon Isma'il mate'e panjennengngan?" Tape Gedalya ta' parcaja ka oca'na reng-oreng jareya.
40:15 Yokanan laju ta' asa'kasa' entar kadibi'an ka Gedalya, pas ngoca', "Diggal Isma'il bi' kaula epateyana; ta' kera badha oreng oneng pasera se mate'e. Aponapa me' daddi Isma'il epannengnga mate'e panjennengngan? Dhaggi' reng-oreng Yehuda se ampon akompol e ka'dhinto sareng panjennengngan, tanto pas abalessadan pole, ban gapaneka tanto maancor sadajana karena ra'yat se gi' badha e Yehuda."
40:16 Tape Gedalya nyaot, "Ampon! Se ekoca'agi sampeyan parkara Isma'il ganeka ta' lerres."
Comments
Post a Comment