Yeremiya 39
39:1 E bulan sapolo taon se kapeng sanga' pamarenta'anna Zedekiya rato Yehuda, Nebukadnezar rato Babil ban sakabbinna angkadan perrangnga nyerrang Yerusalim.
39:2 E tanggal sanga' bulan empa' taon se kapeng sabellas pamarenta'anna Rato Zedekiya, geddhungnga kottha epagujur moso,
39:3 ban Yerusalim erebbu'. Ja-pangrajana Babil pas padha entar toju' e Labang Saketheng Tengnga. E antarana reng-oreng jareya iya reya Nergal Sarezer, Samgar Nebo, Sarsekim kapalana roma tatanggana karaton, Nergal Sarezer Rabmag ban ra-parwira laenna.
39:4 E bakto Rato Zedekiya ban tantarana ngoladi sakabbinna kadaddiyan jareya, pas ngoddi buru ka Cora Yordan e malem jareya keya. Se buru lebat bun-kebbunanna karaton, pas kalowar lebat labang saketheng se nyambung geddhung se dhadhuwa' e kennengngan jareya.
39:5 Tape bi' tantara Babil eserser ban Zedekiya ekenneng pega' e tana lapang Yerikho. Rato Zedekiya pas egiba ka Rato Nebukadnezar e kottha Ribla e dhaera Hamat, laju eokom mate.
39:6 E kottha jareya keya tra-pottrana epate'e e adha'anna, bariya keya sakabbinna pangraja Yehuda padha epate'e.
39:7 Saellana jareya Zedekiya econgke' socana, pas ekalenthong, egiba ka Babil.
39:8 Sabatara jareya reng-oreng Babil ngobbar karatonna rato ban ko-bengkona ra'yat, sarta magujur dhung-geddhungnga Yerusalim.
39:9 Dhi-budhina ra'yat se gi' badha e kottha, ban reng-oreng se la buru ka oreng Babil, eangko' ka Babil bi' Nebuzaradan, komandanna pasukan Babil.
39:10 Sabagiyan dhari ra'yat se paleng mesken ban se ta' andhi' pa-apa, edina e Yehuda sarta eberri'i kebbun anggur ban teggal.
39:11 Tape Rato Nebukadnezar makon Nebuzaradan, komandanna pasukanna, makalowar parenta kantha reya,
39:12 "Sare Yeremiya, pas jaga pateppa'. Ja' pama-baramma; apa se epenta, lakone."
39:13 Daddi Nebuzaradan ban parwira tenggina se kadhuwa, iya reya Nebusyazban ban Nergal Sarezer sakabbinna parwira Babil laenna,
39:14 ngone'e sengko' dhari palataranna karaton. Sengko' pas epassra'agi ka Gedalya ana'na Ahikam ban kompoyya Safan, se kodu ngaterragi sengko' epamole sampe' salamet. Daddi sengko' pas apolong ban ra'yat.
39:15 E bakto sengko' gi' epenjara e palataranna karaton, PANGERAN makon sengko'
39:16 abala ka Ebed-Melekh oreng Sudan rowa ja' PANGERAN Se Mahakobasa, Allahna Isra'il, adhabu kantha reya, "Lamba' Sengko' la ngoca' ja' kottha reya bi' Sengko' epadhatengngana balai, banne kama'moran; sateya Tang oca' jareya bi' Sengko' ejalannagiya. Ba'na bakal nangaleyana kadaddiyan jareya.
39:17 Tape Sengko', PANGERAN, alindhungana ba'na. Ba'na ta' epassra'agiya ka reng-oreng se ekatako'e ba'na.
39:18 Ba'na ta' epateyana, sabab Sengko' masalamedda ba'na. Nyabana ba'na bakal salamedda lantaran ba'na nyandhar ka Sengko'. Sengko', PANGERAN, la ngoca'."
39:2 E tanggal sanga' bulan empa' taon se kapeng sabellas pamarenta'anna Rato Zedekiya, geddhungnga kottha epagujur moso,
39:3 ban Yerusalim erebbu'. Ja-pangrajana Babil pas padha entar toju' e Labang Saketheng Tengnga. E antarana reng-oreng jareya iya reya Nergal Sarezer, Samgar Nebo, Sarsekim kapalana roma tatanggana karaton, Nergal Sarezer Rabmag ban ra-parwira laenna.
39:4 E bakto Rato Zedekiya ban tantarana ngoladi sakabbinna kadaddiyan jareya, pas ngoddi buru ka Cora Yordan e malem jareya keya. Se buru lebat bun-kebbunanna karaton, pas kalowar lebat labang saketheng se nyambung geddhung se dhadhuwa' e kennengngan jareya.
39:5 Tape bi' tantara Babil eserser ban Zedekiya ekenneng pega' e tana lapang Yerikho. Rato Zedekiya pas egiba ka Rato Nebukadnezar e kottha Ribla e dhaera Hamat, laju eokom mate.
39:6 E kottha jareya keya tra-pottrana epate'e e adha'anna, bariya keya sakabbinna pangraja Yehuda padha epate'e.
39:7 Saellana jareya Zedekiya econgke' socana, pas ekalenthong, egiba ka Babil.
39:8 Sabatara jareya reng-oreng Babil ngobbar karatonna rato ban ko-bengkona ra'yat, sarta magujur dhung-geddhungnga Yerusalim.
39:9 Dhi-budhina ra'yat se gi' badha e kottha, ban reng-oreng se la buru ka oreng Babil, eangko' ka Babil bi' Nebuzaradan, komandanna pasukan Babil.
39:10 Sabagiyan dhari ra'yat se paleng mesken ban se ta' andhi' pa-apa, edina e Yehuda sarta eberri'i kebbun anggur ban teggal.
39:11 Tape Rato Nebukadnezar makon Nebuzaradan, komandanna pasukanna, makalowar parenta kantha reya,
39:12 "Sare Yeremiya, pas jaga pateppa'. Ja' pama-baramma; apa se epenta, lakone."
39:13 Daddi Nebuzaradan ban parwira tenggina se kadhuwa, iya reya Nebusyazban ban Nergal Sarezer sakabbinna parwira Babil laenna,
39:14 ngone'e sengko' dhari palataranna karaton. Sengko' pas epassra'agi ka Gedalya ana'na Ahikam ban kompoyya Safan, se kodu ngaterragi sengko' epamole sampe' salamet. Daddi sengko' pas apolong ban ra'yat.
39:15 E bakto sengko' gi' epenjara e palataranna karaton, PANGERAN makon sengko'
39:16 abala ka Ebed-Melekh oreng Sudan rowa ja' PANGERAN Se Mahakobasa, Allahna Isra'il, adhabu kantha reya, "Lamba' Sengko' la ngoca' ja' kottha reya bi' Sengko' epadhatengngana balai, banne kama'moran; sateya Tang oca' jareya bi' Sengko' ejalannagiya. Ba'na bakal nangaleyana kadaddiyan jareya.
39:17 Tape Sengko', PANGERAN, alindhungana ba'na. Ba'na ta' epassra'agiya ka reng-oreng se ekatako'e ba'na.
39:18 Ba'na ta' epateyana, sabab Sengko' masalamedda ba'na. Nyabana ba'na bakal salamedda lantaran ba'na nyandhar ka Sengko'. Sengko', PANGERAN, la ngoca'."
Comments
Post a Comment