Tangesan 5
5:1 Kaemodi, GUSTE, kadaddiyan se ealame abdidalem sadajana. Oladi abdidalem sadaja, sareng oladi kanespa'anna.
5:2 Sangkolan abdidalem epondhut oreng laenna, po'-compo' abdidalem ekennengnge oreng manca.
5:3 Eppa' abdidalem sadaja epate'e moso, samangken ebu ampon daddi randha, ban abdidalem daddi jatim sadaja.
5:4 Manabi ngenoma aeng kodu melle, manabi ala'-ola'a kaju kodu obange.
5:5 Abdidalem epaksa alako berra' epakadi keban, abdidalem lesso, namong ta' eparenge bakto bu-ambu lesso.
5:6 Abdidalem entar ngemmes nyo'on teddha'an ka Asyur sareng ka Messer.
5:7 Bangatowa abdidalem alako dusa, samangken ampon padha tadha' sadajana; abdidalem se kodu nanggung seksa'anna lantaran dusana reng-oreng gapaneka.
5:8 Abdidalem eparenta reng-oreng se ta' lebbi dhari dunor; tadha' se kobasa ngocol abdidalem dhari kobasana reng-oreng gapaneka.
5:9 E lowar kottha kar-ngalarkar oreng se dujan mate'e oreng; nyaba abdidalem e dhalem babaja e bakto nyare teddha'an.
5:10 Abdidalem kalaparan, kantos kole' panas akadi mardhana kampowan.
5:11 Babine'an e Siyon epacemmer kalaban paksa, ban-paraban e sa-disa Yehuda erosak kahormadanna.
5:12 Pin-pamimpin abdidalem etangkep sareng egantong, para seppo abdidalem ta' eargai pole.
5:13 Ngangodhadan bangsa abdidalem epaksa alako e panggilingan, na'-kana' lalake'an tacecce' kol-pekol besse kantos ta' enga' oreng.
5:14 Oreng seppo ampon ta' oneng akompol e labang sakethengnga kottha, sowarana mosik ampon ta' oneng ekaedhing e antarana ngangodhadan.
5:15 Abdidalem ampon kaelangan sennengnga ate; tariyan ampon agante daddi tanges.
5:16 Se ekenneng edirragi abdidalem ampon tadha', abdidalem calaka' lantaran dusa.
5:17-18 Ate rassana ancor ta' karowan, aeng mata agili ros-terrosan kantos tengal akadi se rabeng ta' terrang. Sabab Gunong Siyon edinggallagi oreng, sareng ekennengnge pate' alas.
5:19 Namong Junandalem, GUSTE, teptep kobasa, Junandalem marenta salanjangnga.
5:20 Aponapa Junandalem me' ce' abidda adinggallagi abdidalem sadaja? Ponapa Junandalem saterrossa ta' emoda ka abdidalem sadaja?
5:21 Adhu GUSTE, pabaliyagi abdidalem ka Junandalem; abdidalem padha abaliya ka Junandalem! Pabaliyagi kabadha'an abdidalem.
5:22 Otabana ponapa Junandalem ampon ta' kasokan pole ka abdidalem sadajana? Ponapa dukana Junandalem tadha' batessa?
5:2 Sangkolan abdidalem epondhut oreng laenna, po'-compo' abdidalem ekennengnge oreng manca.
5:3 Eppa' abdidalem sadaja epate'e moso, samangken ebu ampon daddi randha, ban abdidalem daddi jatim sadaja.
5:4 Manabi ngenoma aeng kodu melle, manabi ala'-ola'a kaju kodu obange.
5:5 Abdidalem epaksa alako berra' epakadi keban, abdidalem lesso, namong ta' eparenge bakto bu-ambu lesso.
5:6 Abdidalem entar ngemmes nyo'on teddha'an ka Asyur sareng ka Messer.
5:7 Bangatowa abdidalem alako dusa, samangken ampon padha tadha' sadajana; abdidalem se kodu nanggung seksa'anna lantaran dusana reng-oreng gapaneka.
5:8 Abdidalem eparenta reng-oreng se ta' lebbi dhari dunor; tadha' se kobasa ngocol abdidalem dhari kobasana reng-oreng gapaneka.
5:9 E lowar kottha kar-ngalarkar oreng se dujan mate'e oreng; nyaba abdidalem e dhalem babaja e bakto nyare teddha'an.
5:10 Abdidalem kalaparan, kantos kole' panas akadi mardhana kampowan.
5:11 Babine'an e Siyon epacemmer kalaban paksa, ban-paraban e sa-disa Yehuda erosak kahormadanna.
5:12 Pin-pamimpin abdidalem etangkep sareng egantong, para seppo abdidalem ta' eargai pole.
5:13 Ngangodhadan bangsa abdidalem epaksa alako e panggilingan, na'-kana' lalake'an tacecce' kol-pekol besse kantos ta' enga' oreng.
5:14 Oreng seppo ampon ta' oneng akompol e labang sakethengnga kottha, sowarana mosik ampon ta' oneng ekaedhing e antarana ngangodhadan.
5:15 Abdidalem ampon kaelangan sennengnga ate; tariyan ampon agante daddi tanges.
5:16 Se ekenneng edirragi abdidalem ampon tadha', abdidalem calaka' lantaran dusa.
5:17-18 Ate rassana ancor ta' karowan, aeng mata agili ros-terrosan kantos tengal akadi se rabeng ta' terrang. Sabab Gunong Siyon edinggallagi oreng, sareng ekennengnge pate' alas.
5:19 Namong Junandalem, GUSTE, teptep kobasa, Junandalem marenta salanjangnga.
5:20 Aponapa Junandalem me' ce' abidda adinggallagi abdidalem sadaja? Ponapa Junandalem saterrossa ta' emoda ka abdidalem sadaja?
5:21 Adhu GUSTE, pabaliyagi abdidalem ka Junandalem; abdidalem padha abaliya ka Junandalem! Pabaliyagi kabadha'an abdidalem.
5:22 Otabana ponapa Junandalem ampon ta' kasokan pole ka abdidalem sadajana? Ponapa dukana Junandalem tadha' batessa?
Comments
Post a Comment