Mastekana Jungkejungan 5
5:1 Lalake': Sengko' dhateng ka tang kebbun, le', tang pangantan, sengko' makompol mennyan ban racegan om-ro'oman; sengko' ngakan lebunna nyarowan ban tang maddu, ngenom tang aeng anggur ban susu. Babine'an: Mara ngakan ban nom-enoman, kanca, enom pasampe' mabu' kasmaran! Babine':
5:2 Sengko' tedhung, tape tang ate jaga. Edhingngagi, tang kakase nokthok labang. Lalake': Bukka' labangnga, le', tang kakase, tang mano' dara, tang buwana ate; tang cethak bacca ekenneng ebbun, tang obu' ecapcabi ebbun malem. Babine':
5:3 Kalambi abdidalem ampon ebukka'; ponapa epasanga pole? Soko abdidalem ampon ebaccowe, ponapa epakotora pole?
5:4 Tang ate dhek-gadheggan polana tang kakase neggu' gu'-teggu'na labang.
5:5 Daddi sengko' jaga mokka'ana labang tang kakase. Mennyan nyapcap dhari tang tanang ban tang garigi', sampe' gu'-teggu'na kancengnga labang bacca.
5:6 Tang kakase bi' sengko' ebukka'e labang, tape tang kakase la ondur. Sengko' ce' kerrongnga ka sowarana; bi' sengko' esare, tape ta' etemmo keya. Bi' sengko' eolok asmana tape ta' nyaot sakeccaba balakka'.
5:7 Sengko' etemmo bi' reng-oreng se apattrol e kottha; sengko' epokol ban epaloka; tang salendhang erampas ban ekala'.
5:8 Mara ajanji, babine'an Yerusalim, mon ba'na nemmo tang kakase, kabala'agi ja' sengko' sake' kasmaran. Babine'an:
5:9 Paraban se paleng raddin, apa kakasena ba'na alebbiyan dhari kakase en-laenna? Apa kakasena ba'na alebbiyan dhari kakase en-laenna, me' bi' ba'na sengko' kabbi esoro ajanji kantha jareya? Babine':
5:10 Tang kakase gaga' gantheng, settong e antarana salaksa.
5:11 Serana akantha emmas, emmas morne, rambudda aba'-omba' ban celleng, celleng akantha dhangdhang.
5:12 Socana akantha dara se badha e somberra aeng, dara se mandhi susu, toju' e penggirra taman.
5:13 Pepena akantha kebbun palappa se ro'om, lathena akantha kembang kacobung se agili mennyan se asli.
5:14 Astana bagus, asesser emmas ban mamatan, badanna akantha gaddhing ataretes bato mamatan.
5:15 Bettessa akantha ga-cangga marmar se pote, se elanggane emmas morne. Paraba'anna gaga' akantha nong-gunong Libanon lebur akantha bungkana aras.
5:16 Padhabuna lemma' manes, apana bai ngapencot ate. Kantha jareya tang kakase, ban tang kanca, babine'an Yerusalim.
5:2 Sengko' tedhung, tape tang ate jaga. Edhingngagi, tang kakase nokthok labang. Lalake': Bukka' labangnga, le', tang kakase, tang mano' dara, tang buwana ate; tang cethak bacca ekenneng ebbun, tang obu' ecapcabi ebbun malem. Babine':
5:3 Kalambi abdidalem ampon ebukka'; ponapa epasanga pole? Soko abdidalem ampon ebaccowe, ponapa epakotora pole?
5:4 Tang ate dhek-gadheggan polana tang kakase neggu' gu'-teggu'na labang.
5:5 Daddi sengko' jaga mokka'ana labang tang kakase. Mennyan nyapcap dhari tang tanang ban tang garigi', sampe' gu'-teggu'na kancengnga labang bacca.
5:6 Tang kakase bi' sengko' ebukka'e labang, tape tang kakase la ondur. Sengko' ce' kerrongnga ka sowarana; bi' sengko' esare, tape ta' etemmo keya. Bi' sengko' eolok asmana tape ta' nyaot sakeccaba balakka'.
5:7 Sengko' etemmo bi' reng-oreng se apattrol e kottha; sengko' epokol ban epaloka; tang salendhang erampas ban ekala'.
5:8 Mara ajanji, babine'an Yerusalim, mon ba'na nemmo tang kakase, kabala'agi ja' sengko' sake' kasmaran. Babine'an:
5:9 Paraban se paleng raddin, apa kakasena ba'na alebbiyan dhari kakase en-laenna? Apa kakasena ba'na alebbiyan dhari kakase en-laenna, me' bi' ba'na sengko' kabbi esoro ajanji kantha jareya? Babine':
5:10 Tang kakase gaga' gantheng, settong e antarana salaksa.
5:11 Serana akantha emmas, emmas morne, rambudda aba'-omba' ban celleng, celleng akantha dhangdhang.
5:12 Socana akantha dara se badha e somberra aeng, dara se mandhi susu, toju' e penggirra taman.
5:13 Pepena akantha kebbun palappa se ro'om, lathena akantha kembang kacobung se agili mennyan se asli.
5:14 Astana bagus, asesser emmas ban mamatan, badanna akantha gaddhing ataretes bato mamatan.
5:15 Bettessa akantha ga-cangga marmar se pote, se elanggane emmas morne. Paraba'anna gaga' akantha nong-gunong Libanon lebur akantha bungkana aras.
5:16 Padhabuna lemma' manes, apana bai ngapencot ate. Kantha jareya tang kakase, ban tang kanca, babine'an Yerusalim.
Comments
Post a Comment