Mastekana Jungkejungan 1
1:1 Mastekana jung-kejungan anggidanna Sulaiman. Babine'
1:2 Seyom abdidalem sareng latheepon junandalem; kataresna'annepon junandalem akobassa'an dhari anggur.
1:3 Junandalem asareddhemman ro'omma, akadi mennya' ro'om se nompa; daddi junandalem ekaleburi ban-paraban sadajana!
1:4 Ngereng duliyan asareng abdidalem, Guste Rato bakta'agi abdidalem ka kamar. Lantaran junandalem abdidalem sadaja padha perak, sareng ngalem kataresna'annepon junandalem ngalangkonge anggur; pantes ban-paraban padha lebur ka junandalem.
1:5 E, babine'an Yerusalim, maske celleng sengko' raddin; celleng akantha mah-kemah Kedar, tape lebur akantha dhen-kordhen e karatonna Sulaiman!
1:6 Ja' abas tang kole' se celleng, sabab sengko' kapanasan sonarra are. Tang ka'-kaka' gigir ka sengko'; sengko' esoro alako e kebbun anggur; sampe' ta' andhi' bakto ngorosa tang aba' dibi'.
1:7 Ngereng dhabuwagi, kakase, e ka'dhimma junandalem ngowan ba-dumbana, epatedhung e ka'dhimma sareng junandalem e baja asar? Masa' abdidalem alenglenga nyare'e se junandalem e antarana ba-dumbana ca-kancaepon junandalem? Lalake':
1:8 Masa' ba'na ta' tao kennengnganna, e, se raddin e antara babine'an? Toro' bai lampadda sokona ba-dumba se bannya' rowa, owan bi'-embi'na ba'na e seddi'na parkemahanna reng-oreng ngowan.
1:9 Kakase, ba'na akantha jaran bine' se narek karetana rato Messer.
1:10 Pepena ba'na ce' leburra katotoban eyasan, le'erra bagus ngangguy kalong mamatan.
1:11 Sengko' kabbi agabayyagi ba'na eyasan dhari emmas epobuwi ne'-mane' salaka. Babine':
1:12 Sabatara tang rato ren-sarenan, tang mennya' ro'om asareddhemman.
1:13 Tang kakase akantha mennyan ro'omma, e bakto marobbu e tang dhadha.
1:14 Tang kakase akantha bungkana kembang pacar e bun-kebbun anggur En-Gedi. Lalake':
1:15 Raddin onggu ba'na, le', raddin onggu ba'na! Matana nyonar agandhu' taresna. Babine':
1:16 Junandalem bagus onggu, kaka', junandalem gantheng onggu! Katedhunganna junandalem sareng abdidalem neng e rebba se biru.
1:17 Kalenggiyannepon junandalem sareng abdidalem ngangguy cangga bungkana aras, ata'na dhari bungkana comara.
1:2 Seyom abdidalem sareng latheepon junandalem; kataresna'annepon junandalem akobassa'an dhari anggur.
1:3 Junandalem asareddhemman ro'omma, akadi mennya' ro'om se nompa; daddi junandalem ekaleburi ban-paraban sadajana!
1:4 Ngereng duliyan asareng abdidalem, Guste Rato bakta'agi abdidalem ka kamar. Lantaran junandalem abdidalem sadaja padha perak, sareng ngalem kataresna'annepon junandalem ngalangkonge anggur; pantes ban-paraban padha lebur ka junandalem.
1:5 E, babine'an Yerusalim, maske celleng sengko' raddin; celleng akantha mah-kemah Kedar, tape lebur akantha dhen-kordhen e karatonna Sulaiman!
1:6 Ja' abas tang kole' se celleng, sabab sengko' kapanasan sonarra are. Tang ka'-kaka' gigir ka sengko'; sengko' esoro alako e kebbun anggur; sampe' ta' andhi' bakto ngorosa tang aba' dibi'.
1:7 Ngereng dhabuwagi, kakase, e ka'dhimma junandalem ngowan ba-dumbana, epatedhung e ka'dhimma sareng junandalem e baja asar? Masa' abdidalem alenglenga nyare'e se junandalem e antarana ba-dumbana ca-kancaepon junandalem? Lalake':
1:8 Masa' ba'na ta' tao kennengnganna, e, se raddin e antara babine'an? Toro' bai lampadda sokona ba-dumba se bannya' rowa, owan bi'-embi'na ba'na e seddi'na parkemahanna reng-oreng ngowan.
1:9 Kakase, ba'na akantha jaran bine' se narek karetana rato Messer.
1:10 Pepena ba'na ce' leburra katotoban eyasan, le'erra bagus ngangguy kalong mamatan.
1:11 Sengko' kabbi agabayyagi ba'na eyasan dhari emmas epobuwi ne'-mane' salaka. Babine':
1:12 Sabatara tang rato ren-sarenan, tang mennya' ro'om asareddhemman.
1:13 Tang kakase akantha mennyan ro'omma, e bakto marobbu e tang dhadha.
1:14 Tang kakase akantha bungkana kembang pacar e bun-kebbun anggur En-Gedi. Lalake':
1:15 Raddin onggu ba'na, le', raddin onggu ba'na! Matana nyonar agandhu' taresna. Babine':
1:16 Junandalem bagus onggu, kaka', junandalem gantheng onggu! Katedhunganna junandalem sareng abdidalem neng e rebba se biru.
1:17 Kalenggiyannepon junandalem sareng abdidalem ngangguy cangga bungkana aras, ata'na dhari bungkana comara.
Comments
Post a Comment