Bangsalan 29
29:1 Sapa se terros alaban mon ela-balai oreng e settong bakto tanto ancor ta' ekenneng tolong pole.
29:2 Mon oreng adil neggu' kakobasa'an, ra'yat perak. Tape mon oreng jahat kobasa, ra'yat nyangsara.
29:3 Sapa se lebur ka hekmat, masenneng atena eppa'na. Sapa se apolongan ban sondel wang-mowang pessena.
29:4 Mon pangobasa agateyagi kaadilan, nagarana tanto koko, tape mon se epekkere pesse malolo, nagarana tanto ngalotor.
29:5 Sapa se lem-ngalem sasamana, masang jebbak kaangguy aba'na dibi'.
29:6 Oreng jahat tajira' bi' dusana, oreng jujur senneng ban bajjra odhi'na.
29:7 Oreng becce' tao ka ha'na oreng se ta' kellar apa-rapa, tape oreng jahat ta' ngarte ka parkara jareya.
29:8 Oreng se dujan nyale bisa masalbut kottha, tape se bicaksana mataremtem kabadha'anna.
29:9 Mon oreng bicaksana ban oreng budhu aparkara, se budhu pera' ngamok ban agella'an mabaridhu kabadha'an.
29:10 Oreng se bagus atena ekabaji'i oreng se terro ngero'a dhara, tape eaobi bi' oreng se becce' atena.
29:11 Oreng budhu mon peggel rang-terrangan, tape oreng bicaksana sabbar ban ngampet napsona.
29:12 Mon pangobasa ngedhingngagi kabar lecegan, kabbi ponggabana tanto daddi jahat.
29:13 Oreng mesken ban oreng se nganeyaja aba'na padha andhi' settong parkara se tadha' bidana, bi' PANGERAN padha eparenge mata sopaja nangale sonar se tera'.
29:14 Mon rato abillai ha'na oreng se ta' andhi' kakowadan, tanto marenta sampe' ataonan.
29:15 Pangajaran ban babala'an andaddiyagi oreng bicaksana. Na'-kana' se etorot bakal matodhusa ebuna.
29:16 Mon oreng jahat kobasa, sajan bannya' oreng ta' atoro' parenta. Tape oreng jujur bakal sempada nangaleyana oreng jahat ancor odhi'na.
29:17 Ajari ana'na ba'na, sopaja kana' jareya madhateng kataremtemman ka ba'na, ban daddi panglepor ka atena ba'na.
29:18 Bangsa se ta' etonton bi' Pangeran daddi bangsa se salbut kabadha'anna. Senneng odhi'na oreng se atoro' ka hokomma Pangeran.
29:19 Bareng reya ta' ekenneng balai ban caca malolo; maske ngarte, ta' emaso'agi ka dhalem atena.
29:20 Abannya'an pangarebban kaangguy oreng se budhu, etembang oreng se acaca ta' kalaban epekker gallu.
29:21 Bareng se emanja dhari gi' ngodhana, dhi-budhina daddi oreng se cengkal.
29:22 Oreng se dhuson atena andaddiyagi bannya' oreng atokaran ban agabay dusa.
29:23 Oreng se angko bakal ekababa'agiya, oreng se andhap asor bakal earga'ana.
29:24 Oreng se saleng tolong ban maleng, artena baji' ka aba'na dibi'. Mon e pangadilan oreng rang-terrangan, tanto narema okoman. Tape mon neng-enneng ta' ca'-ngoca' tanto narema babaston dhari Allah.
29:25 Tako' ka cacana oreng madhateng kasossa'an. Paparcaja ka PANGERAN, ba'na tanto aman.
29:26 Bannya' oreng se ngala' ate ka pangobasa, tape se apareng pangadilan pera' PANGERAN.
29:27 Oreng becce' ta' lebur ka oreng jahat. Oreng jahat baji' ka oreng becce'.
29:2 Mon oreng adil neggu' kakobasa'an, ra'yat perak. Tape mon oreng jahat kobasa, ra'yat nyangsara.
29:3 Sapa se lebur ka hekmat, masenneng atena eppa'na. Sapa se apolongan ban sondel wang-mowang pessena.
29:4 Mon pangobasa agateyagi kaadilan, nagarana tanto koko, tape mon se epekkere pesse malolo, nagarana tanto ngalotor.
29:5 Sapa se lem-ngalem sasamana, masang jebbak kaangguy aba'na dibi'.
29:6 Oreng jahat tajira' bi' dusana, oreng jujur senneng ban bajjra odhi'na.
29:7 Oreng becce' tao ka ha'na oreng se ta' kellar apa-rapa, tape oreng jahat ta' ngarte ka parkara jareya.
29:8 Oreng se dujan nyale bisa masalbut kottha, tape se bicaksana mataremtem kabadha'anna.
29:9 Mon oreng bicaksana ban oreng budhu aparkara, se budhu pera' ngamok ban agella'an mabaridhu kabadha'an.
29:10 Oreng se bagus atena ekabaji'i oreng se terro ngero'a dhara, tape eaobi bi' oreng se becce' atena.
29:11 Oreng budhu mon peggel rang-terrangan, tape oreng bicaksana sabbar ban ngampet napsona.
29:12 Mon pangobasa ngedhingngagi kabar lecegan, kabbi ponggabana tanto daddi jahat.
29:13 Oreng mesken ban oreng se nganeyaja aba'na padha andhi' settong parkara se tadha' bidana, bi' PANGERAN padha eparenge mata sopaja nangale sonar se tera'.
29:14 Mon rato abillai ha'na oreng se ta' andhi' kakowadan, tanto marenta sampe' ataonan.
29:15 Pangajaran ban babala'an andaddiyagi oreng bicaksana. Na'-kana' se etorot bakal matodhusa ebuna.
29:16 Mon oreng jahat kobasa, sajan bannya' oreng ta' atoro' parenta. Tape oreng jujur bakal sempada nangaleyana oreng jahat ancor odhi'na.
29:17 Ajari ana'na ba'na, sopaja kana' jareya madhateng kataremtemman ka ba'na, ban daddi panglepor ka atena ba'na.
29:18 Bangsa se ta' etonton bi' Pangeran daddi bangsa se salbut kabadha'anna. Senneng odhi'na oreng se atoro' ka hokomma Pangeran.
29:19 Bareng reya ta' ekenneng balai ban caca malolo; maske ngarte, ta' emaso'agi ka dhalem atena.
29:20 Abannya'an pangarebban kaangguy oreng se budhu, etembang oreng se acaca ta' kalaban epekker gallu.
29:21 Bareng se emanja dhari gi' ngodhana, dhi-budhina daddi oreng se cengkal.
29:22 Oreng se dhuson atena andaddiyagi bannya' oreng atokaran ban agabay dusa.
29:23 Oreng se angko bakal ekababa'agiya, oreng se andhap asor bakal earga'ana.
29:24 Oreng se saleng tolong ban maleng, artena baji' ka aba'na dibi'. Mon e pangadilan oreng rang-terrangan, tanto narema okoman. Tape mon neng-enneng ta' ca'-ngoca' tanto narema babaston dhari Allah.
29:25 Tako' ka cacana oreng madhateng kasossa'an. Paparcaja ka PANGERAN, ba'na tanto aman.
29:26 Bannya' oreng se ngala' ate ka pangobasa, tape se apareng pangadilan pera' PANGERAN.
29:27 Oreng becce' ta' lebur ka oreng jahat. Oreng jahat baji' ka oreng becce'.
Comments
Post a Comment