Bangsalan 21
21:1 Akantha PANGERAN se ngator aeng songay sopaja agili menorot kasokanna, bariya keya Salerana nonton pekkeranna rato.
21:2 Sakabbinna lalakonna oreng olle daddi eanggep becce' bi' aba'na dibi', tape PANGERAN se nantowagi juba' becce'na maksodda atena.
21:3 Lalakon se bendher ban adil lebbi masenneng PANGERAN etembang sakabbinna tor-ator sarta kurban.
21:4 Oreng jahat reya dusa, sabab ekobasae kaangkowan ban kasombonganna.
21:5 Sajjana oreng se bajeng madhateng hasel sabannya'na; lalakon se ru-kaburu madhateng kakorangan.
21:6 Kasogiyan se ekaolle kalaban jalan ta' jujur lekkas tadha' ban ngeba oreng ka lobangnga kobur.
21:7 Oreng jahat ta' endha' atoro' ka hokom; aba'na eseksa bi' kakejjemmanna dibi'.
21:8 Oreng se sala ayut-liyut jalanna; oreng se becce' terros jujur odhi'na.
21:9 Enneng e padduna loteng lebbi nyaman etembang sabengko ban bine se dujan atokar.
21:10 Oreng jahat terro alakowa juba' ros-terrosan; ka sapa'a bai ta' andhi' bellas e dhalem atena.
21:11 Okoman ka oreng se dujan ya-nyeya daddi pangajaran ka oreng se ta' andhi' pangalaman. Mon oreng se bagus buddina epaenga' kasala'anna, oreng jareya sajan bicaksana.
21:12 Allah Se Mahaadil ngagali apa se kadaddiyan e bengkona oreng daraka. Salerana bakal maancora oreng jareya.
21:13 Sapa se ta' endha' ngedhingngagi serrona oreng se kakorangan ta' kera eedhingngagi oreng mon aba'na kakorangan keya.
21:14 Mon terro maelanga peggella atena oreng, ri'-berri'i, tape ja' la-bala ka pa-sapa.
21:15 Mon kaadilan ejalannagi, oreng becce' senneng atena, tape oreng jahat arassa ngadhebbi babaja odhi'na.
21:16 Oreng se odhi'na ta' atoro' ka cara se becce', tanto bakal napa'a ka dunnyana oreng mate.
21:17 Oreng se lebur neng-sennengngan tanto teptep kakorangan; oreng se dujan yal-royalan ta' kera andhi' pa-apa.
21:18 Mon oreng jahat manyangsara'a oreng laen, kasangsara'an jareya teba ka aba'na dibi'.
21:19 Lebbi becce' enneng e ra-ara, etembang apolong ban bine se ngacepek ban gigir salanjangnga.
21:20 Oreng bicaksana teptep ma'mor ban sogi salanjangnga, tape oreng budhu wang-mowang artana.
21:21 Sapa se aehteyar sopaja kaadilan ban kataresna'an ejalannagi bakal olleya kabajjra'an, kahormadan ban omor lanjang.
21:22 Oreng se penter sanggup arebbu' kottha se ejaga tantara se parjuga; ban maancor teng-binteng se eandellagi kottha jareya.
21:23 Mon terro lopoda dhari kasossa'an, pangastete mon acaca.
21:24 Oreng sombong ban tenggi ate, korang ajar ban dujan nyale.
21:25 Oreng males se ta' endha' alalakon mate'e aba'na kalaban pangaterrona.
21:26 Lakona re-saare tadha' laenna, coma mekkere apa se daddi pangaterrona. Sabaligga, oreng se loros odhi'na bisa aberri' sanya'-bannya'na.
21:27 PANGERAN ta' kasokan ka tor-atorra oreng daraka, bi-lebbi mon tor-ator jareya etoro'e maksod se ta' teppa'.
21:28 Oreng lecegan mon nyakse'e ta' kera eparcaja; tape cacana oreng se tao ke'-lekke'na parkara tanto etarema.
21:29 Oreng jujur yakin ka aba'na dibi'; oreng jahat kandel mowana.
21:30 Tadha' kapenterran otaba kabicaksana'an se bisa nandhinge PANGERAN.
21:31 Maske oreng aperrang genna' ban jaran perrangnga, se nantowagi kamennangan coma PANGERAN.
21:2 Sakabbinna lalakonna oreng olle daddi eanggep becce' bi' aba'na dibi', tape PANGERAN se nantowagi juba' becce'na maksodda atena.
21:3 Lalakon se bendher ban adil lebbi masenneng PANGERAN etembang sakabbinna tor-ator sarta kurban.
21:4 Oreng jahat reya dusa, sabab ekobasae kaangkowan ban kasombonganna.
21:5 Sajjana oreng se bajeng madhateng hasel sabannya'na; lalakon se ru-kaburu madhateng kakorangan.
21:6 Kasogiyan se ekaolle kalaban jalan ta' jujur lekkas tadha' ban ngeba oreng ka lobangnga kobur.
21:7 Oreng jahat ta' endha' atoro' ka hokom; aba'na eseksa bi' kakejjemmanna dibi'.
21:8 Oreng se sala ayut-liyut jalanna; oreng se becce' terros jujur odhi'na.
21:9 Enneng e padduna loteng lebbi nyaman etembang sabengko ban bine se dujan atokar.
21:10 Oreng jahat terro alakowa juba' ros-terrosan; ka sapa'a bai ta' andhi' bellas e dhalem atena.
21:11 Okoman ka oreng se dujan ya-nyeya daddi pangajaran ka oreng se ta' andhi' pangalaman. Mon oreng se bagus buddina epaenga' kasala'anna, oreng jareya sajan bicaksana.
21:12 Allah Se Mahaadil ngagali apa se kadaddiyan e bengkona oreng daraka. Salerana bakal maancora oreng jareya.
21:13 Sapa se ta' endha' ngedhingngagi serrona oreng se kakorangan ta' kera eedhingngagi oreng mon aba'na kakorangan keya.
21:14 Mon terro maelanga peggella atena oreng, ri'-berri'i, tape ja' la-bala ka pa-sapa.
21:15 Mon kaadilan ejalannagi, oreng becce' senneng atena, tape oreng jahat arassa ngadhebbi babaja odhi'na.
21:16 Oreng se odhi'na ta' atoro' ka cara se becce', tanto bakal napa'a ka dunnyana oreng mate.
21:17 Oreng se lebur neng-sennengngan tanto teptep kakorangan; oreng se dujan yal-royalan ta' kera andhi' pa-apa.
21:18 Mon oreng jahat manyangsara'a oreng laen, kasangsara'an jareya teba ka aba'na dibi'.
21:19 Lebbi becce' enneng e ra-ara, etembang apolong ban bine se ngacepek ban gigir salanjangnga.
21:20 Oreng bicaksana teptep ma'mor ban sogi salanjangnga, tape oreng budhu wang-mowang artana.
21:21 Sapa se aehteyar sopaja kaadilan ban kataresna'an ejalannagi bakal olleya kabajjra'an, kahormadan ban omor lanjang.
21:22 Oreng se penter sanggup arebbu' kottha se ejaga tantara se parjuga; ban maancor teng-binteng se eandellagi kottha jareya.
21:23 Mon terro lopoda dhari kasossa'an, pangastete mon acaca.
21:24 Oreng sombong ban tenggi ate, korang ajar ban dujan nyale.
21:25 Oreng males se ta' endha' alalakon mate'e aba'na kalaban pangaterrona.
21:26 Lakona re-saare tadha' laenna, coma mekkere apa se daddi pangaterrona. Sabaligga, oreng se loros odhi'na bisa aberri' sanya'-bannya'na.
21:27 PANGERAN ta' kasokan ka tor-atorra oreng daraka, bi-lebbi mon tor-ator jareya etoro'e maksod se ta' teppa'.
21:28 Oreng lecegan mon nyakse'e ta' kera eparcaja; tape cacana oreng se tao ke'-lekke'na parkara tanto etarema.
21:29 Oreng jujur yakin ka aba'na dibi'; oreng jahat kandel mowana.
21:30 Tadha' kapenterran otaba kabicaksana'an se bisa nandhinge PANGERAN.
21:31 Maske oreng aperrang genna' ban jaran perrangnga, se nantowagi kamennangan coma PANGERAN.
Comments
Post a Comment