Bangsalan 20
20:1 Non-enoman kerras andaddiyagi oreng korang ajar ban baridhu. oreng se ngenom sampe' mabu' reya budhu.
20:2 Dukana rato akantha gaungnga macan; oreng se maduka salerana padha ban macalaka' aba'na dibi'.
20:3 Pera' oreng budhu se dujan atokar; se patot ealem iya areya ajauwi tokar.
20:4 Oreng tane se males ta' agarap tanana teppa' baktona; dhi-budhina mon mosem anye ta' molong pa-apa.
20:5 Essena atena oreng akantha aeng somor se dhalem; tape bisa etemba bi' oreng se andhi' pangarteyan.
20:6 Bannya' oreng ngako kanca, tape kanca se esto onggu malarat sareyanna.
20:7 Na'-kana' pojur mon andhi' eppa' se jujur ban becce' odhi'na.
20:8 Mon rato alenggi e korse pangadilan, bisa ngoladi sabarang se jahat.
20:9 Ba' badha'a oreng se bisa ngoca', "Tang ate berse, sengko' ta' andhi' dusa?"
20:10 Tembangan ban okoran se ta' cocok reya ta' ekasokane PANGERAN.
20:11 Dhari lalakonna na'-kana' bisa etemmo apa kana' jareya becce' ban jujur.
20:12 Kopeng angguy ngedhingngagi, mata angguy ngabas, se dhadhuwa' jareya PANGERAN se nyepta'agi.
20:13 Oreng se dujan tedhung bakal meskena, oreng se bajeng alalakon bakal bannya'a kakananna.
20:14 Oreng se melle terros aserro parkara arga se larang, tape samarena melle arassa gumbira lantaran arga se ekaolle jareya.
20:15 Ca'-oca' se agandhu' pangataowan lebbi aji dhari emmas ban barleyan.
20:16 Sapa se endha' nanggung otangnga oreng laen, pantes ekala' dhi'-andhi'na menangka tanggunganna janjina.
20:17 Arta hasella nepo dha'-adha'na nyaman rassana, tape dhi-budhina ekarassa akantha baliker.
20:18 Se ekasajja ahasel lantaran partembangan; daddi ja' aperrang sabellunna sajjana jareya massa'.
20:19 Oreng se dujan arasanan ta' bisa nyempen roseya; ja' apolongan ban oreng se dujan acaca.
20:20 Oreng se abasto oreng towana bakal mosna'a odhi'na akantha damar se mate e baja malem se petteng.
20:21 Arta se ekaolle kalaban gampang nyatana ta' madhateng berkat.
20:22 Ja' males kajahadan ban kajahadan keya; paparcaja ka PANGERAN, Salerana se nolonga.
20:23 Tembangan ban batona se ta' cocok ta' ekasokane bi' PANGERAN.
20:24 PANGERAN la nantowagi jalanna odhi'na manossa e dunnya reya; daddi manossa ta' bisa ngarte jalanna odhi'na dibi'.
20:25 Pekker pateppa' sabellunna ajanjiyagi kurban ka Pangeran, tako' me' ba'na kasta e budhi arena.
20:26 Rato se bicaksana tanto tao sapa oreng se jahat, oreng jareya tanto eokom, ta' kera esapora.
20:27 Sowarana atena manossa reya terrang dhari PANGERAN, se nera'e batenna.
20:28 Mon rato marenta kalaban bellas ase, jujur ban adil saterrossa, tanto salanjangnga teptep kobasa.
20:29 Oreng ngodha ekasambu'i polana kakowadanna, oreng towa eargai polana obanna.
20:30 Kadhang pangalaman pae' maelang kajahadan, ban maberse atena manossa.
20:2 Dukana rato akantha gaungnga macan; oreng se maduka salerana padha ban macalaka' aba'na dibi'.
20:3 Pera' oreng budhu se dujan atokar; se patot ealem iya areya ajauwi tokar.
20:4 Oreng tane se males ta' agarap tanana teppa' baktona; dhi-budhina mon mosem anye ta' molong pa-apa.
20:5 Essena atena oreng akantha aeng somor se dhalem; tape bisa etemba bi' oreng se andhi' pangarteyan.
20:6 Bannya' oreng ngako kanca, tape kanca se esto onggu malarat sareyanna.
20:7 Na'-kana' pojur mon andhi' eppa' se jujur ban becce' odhi'na.
20:8 Mon rato alenggi e korse pangadilan, bisa ngoladi sabarang se jahat.
20:9 Ba' badha'a oreng se bisa ngoca', "Tang ate berse, sengko' ta' andhi' dusa?"
20:10 Tembangan ban okoran se ta' cocok reya ta' ekasokane PANGERAN.
20:11 Dhari lalakonna na'-kana' bisa etemmo apa kana' jareya becce' ban jujur.
20:12 Kopeng angguy ngedhingngagi, mata angguy ngabas, se dhadhuwa' jareya PANGERAN se nyepta'agi.
20:13 Oreng se dujan tedhung bakal meskena, oreng se bajeng alalakon bakal bannya'a kakananna.
20:14 Oreng se melle terros aserro parkara arga se larang, tape samarena melle arassa gumbira lantaran arga se ekaolle jareya.
20:15 Ca'-oca' se agandhu' pangataowan lebbi aji dhari emmas ban barleyan.
20:16 Sapa se endha' nanggung otangnga oreng laen, pantes ekala' dhi'-andhi'na menangka tanggunganna janjina.
20:17 Arta hasella nepo dha'-adha'na nyaman rassana, tape dhi-budhina ekarassa akantha baliker.
20:18 Se ekasajja ahasel lantaran partembangan; daddi ja' aperrang sabellunna sajjana jareya massa'.
20:19 Oreng se dujan arasanan ta' bisa nyempen roseya; ja' apolongan ban oreng se dujan acaca.
20:20 Oreng se abasto oreng towana bakal mosna'a odhi'na akantha damar se mate e baja malem se petteng.
20:21 Arta se ekaolle kalaban gampang nyatana ta' madhateng berkat.
20:22 Ja' males kajahadan ban kajahadan keya; paparcaja ka PANGERAN, Salerana se nolonga.
20:23 Tembangan ban batona se ta' cocok ta' ekasokane bi' PANGERAN.
20:24 PANGERAN la nantowagi jalanna odhi'na manossa e dunnya reya; daddi manossa ta' bisa ngarte jalanna odhi'na dibi'.
20:25 Pekker pateppa' sabellunna ajanjiyagi kurban ka Pangeran, tako' me' ba'na kasta e budhi arena.
20:26 Rato se bicaksana tanto tao sapa oreng se jahat, oreng jareya tanto eokom, ta' kera esapora.
20:27 Sowarana atena manossa reya terrang dhari PANGERAN, se nera'e batenna.
20:28 Mon rato marenta kalaban bellas ase, jujur ban adil saterrossa, tanto salanjangnga teptep kobasa.
20:29 Oreng ngodha ekasambu'i polana kakowadanna, oreng towa eargai polana obanna.
20:30 Kadhang pangalaman pae' maelang kajahadan, ban maberse atena manossa.
Comments
Post a Comment